تابعينا عبر الايميل

Related Posts Plugin for WordPress, Blogger...

الأحد، 18 سبتمبر، 2011

طريقه عمل خبز الكيزر بالصور من مطبخي

خبز مغذي و نظيف و مشبع من عمل ايدك و كمان تكلفته مش عاليه و احسن من السوق و حلو جدا لسندويتشات المدارس
دي طريقه جمعتها من كذا طريقه قريتها ان شاء الله تعجبكم لانها طلعت لي اخف عيش فينو عملته:
المقادير : كيلو دقيق - بيضه - معلقه خميره فوريه كبيره -رشه سكر - رشه ملح - نصف كوب زيت زيتون ( ممكن زيت ذره ) - حليب دافي للعجن - خميره بايته 





الخميره البايته هي عباره عن نص كوب دقيق + معلقه كبيره خميره فوريه + رشه سكر + ماء دافي تخلط مع بعضها قبل الخبز بفتره انا عملتها بالليل و عملت العيش تاني يوم الصبح


نخلط المكونات الجافه (دقيق و ملح و سكر و خميره) نضيف الخميره البايته و الزيت و البيض و نفركه كويس حتى يتوزع في الدقيق ثم نضيف الحليب الدافئ على حسب ما العجينه تتحمل و نعجن كويس على قد ما نقدر و لو تعبتي ريحي ايدك دقيقه و ارجعى اعجنى تاني 


اتركي العجينه تختمر مده ساعه
قطعي العجين اجزاء متساويه و شكليها اقراص و رصيها في الصينيه المدهونه زيت


اتركي الخبز مغطي بقماشه مده ساعتين او ثلاثه ليختمر


 ادهنى وجهه حليب او بيض و اخبزيه في الفرن


لما يستوي خرجيه و غطيه بفوطه او قماشه حتى يصير طري و بالهنا و الشفا


ده رابط فيديو مهم جدا لحوريه المطبخ فيه بتشرح طريقه العجن الصحيحه و طريقه تشكيل اقراص الخبز و الفيديو ده افادني جدا و دي الطرق اللي انا باعجن بيها و باشكل بيها الخبز



  

1 التعليقات :

تحفه ممكن طريقة التوست الاسمر

إرسال تعليق