تابعينا عبر الايميل

Related Posts Plugin for WordPress, Blogger...

الأحد، 30 أكتوبر، 2011

طريقه عمل فيتوتشيني بصوص الفريدو بالصور


الكميه تكفي لشخصين او ثلاث
المقادير:
نصف كيس مكرونه فيتوشيني - صدرين دجاج - صوص ابيض
المكرونه :
نسلق المكرونه عادي ونخليهاا على جنب لما  نجهز كل الاشياء .. بس طبعا على مانخلص تكون جفت فأفضل طريقه  هي تغطيه القدر علشان يبقى الماي الساخن داخل ولين اكمل احط المكرونه داخل شووويه تتشرب الماي علشان تتفكك واشيلها مره ثانيه ,,


الدجـاج :
طبعا لازم نتبله علشان يتنكهه ,,


مقادير التتبيله للدجاج :
بصله صغيره مفرومه فرم ناعم - فصين ثوم مدقوق ومفروم (انا احبه اقطعه صغار) - نصف عصير ليمونه - ملعقه كبيره زعتر جاف (هذا الموجود عندي) - رشه زيت زيتون - ملعقه كبيره ملح + فلفل اسوود (ماصورتهم لاني رشيتهم بالاخير بالمملحه)
الطريقه :

نحط صدرين الدحاح بكيس ونضربه شووويهـ وبعدين نحط التتبيله كامله
انا لبست قفاز شفاف ولعبت لعبتي وسكرت الكيس وخليها تقريبا ساعه
(لو كانت المده يوم كامل يكون احلى ومنكه اكثر طبعا)
وبعد مانخليهاا تتشرب نجهز المقلاه ونحط عليها رشه زيت زيتون ونحط الدجاج فوقهاا
  خلوه ينضج من الصوبين وحطو عليه غطاا علشان مع البخار يستوي اسرع
وبعد مايصير رشوو عليه ليموون شوي + ملج + فلفل اسود + ملعقه صغيره كموون
وقطعوواا الدجاج اصابع طوليه’’



نجي للـ صوص ,,
المقادير
ربع اصبع زبده غير مملحه - علبه كريمه خفق صغيره - جبن برميزان (حطيت نصف القطعه اللي بالصوره ) - ملعقه كبيره فلفل اسود - واخر شي ربع ربطه بقدونس مقطع قطع صغيره جدااااا
اولـ شي نحط الزبده بالقدر لين تسيح وبعدين نحط الكريمه ونخلط لين تتجانس وتتكثف شويهـ ,,
نضيف بعدهاا جبن البرميزان المبشوور + الفلفل الاسود ونخلط ..



واخر شي نحط البقدونس
ويجهززز



نجيب المكرونه ونسوي اللي قلت لكم عليه فوق ( اذا كانت ناشفه  توضع بماء السلق المغطي الساخن لدقائق حتى يفك تشابكها و تطري )  او اذا كانت بالاصل هي مو متشابكه وللحين رطبه
نصب عليهاا الخلطه الكريميه ’’’ السوووس



وبعدين نقطع الدجاج بشكلـ طولي ونحطه فوقـ المكرونه
ونحط رشه بقدونس عليهـ ونبشر كم قطعه جبن برميزان للتزييين



تم الحصول على الوصفه عن طريق صفحه : 

0 التعليقات :

إرسال تعليق