العنوان 1

ضع نص هنا

العنوان 2

ضع نص هنا

العنوان 3

ضع نص هنا

العنوان 4

ضع نص هنا

العنوان 5

ضع نص هنا

تابعينا عبر الايميل

Related Posts Plugin for WordPress, Blogger...

الاثنين، 30 يناير 2012

بلج الشام و طريقه عمله بالخطوات و الصور

من مطبخ بيرو طريقه عمل بلح الشام بالصور و الخطوات
المقادير

الشيرة او الشراب السكرى او العسل - كوب ماء - كوب دقيق - 3 بيضة - 2 ملعقة زيت ذرة - نصف ملعقة صغيرة بيكنج بودر
2 باكو فانيليا - جوز هند مبشور للتزيين 

 



نضع الزيت فى طاسة واسعة على النار



وبس يسخن نضيف الماء



فى حين الماء على النار نضع الدقيق فى طبق ونخلط عليه البيكنج بودر وذرة ملح



يغلى الماء ونضيف الدقيق ونخفض الحرارة على الآخر



ونقلب



وبعد شوية هنلاقى العجينة بدأت تتكور فى وسط الطاسة يعنى تبقى كورة



ننزلها من على النار ونتركها تبرد وفى الوقت ده نجهز القمع اللى هانشكل بيه بلح الشام .. ممكن نعمله بكيس الحلوانى لكن انا افضل القمع الخاص بيه



ونجهز سيرفيس عليه ورق نشاف



وبعد ما تكون العجينة بردت نحط اول بيضة وعليها فانيليا



وبعدين نعجنها .. ممكن فى العجان لكن انا بعجنها بايدى علشان اعرف ملمس العجينة



ولما تختفى آثار البيضة الاولى نحط الثانية وهكذا لغاية آخر بيضة وتبقى العجينة بالشكل ده وهى دى عجينة الشو



وعلى النار عندى زيت غزير ساخن



واشكل بلح الشام كدة




واحطها فى الزيت كدة



وبعد ثوانى هاتنفش كدة .. وبتبقى هشة جدا من جوه ومقرمشة من بره



وبعد ما لونها يبقى ذهبى اطلعها على الورق النشاف



وبعدين احطها فى الشراب كدة



وبعد كدة اقدمها بعد ما ارشها بجوز الهند





المصدر صفحه مع بيرو احلي https://www.facebook.com/beroahlabero

شوربة السى فود بالصور

المقادير
البحريات - كوب جمبرى (روبيان) صغير - قطعة كاليمارى (حبار - سبيط) تقطع مكعبات - قطعة سمك فيليه تقطع مكعبات - زيت ذرة - كريمة لبانى - كوب لبن (حليب) - كوب مرقة (شوربة دجاج او لحم) - كوب ماء - 2 ملعقة دقيق - بصلة متوسطة مفرومة
نصف كوب شبت وكزبرة خضراء مفرومين




اول شئ نشوح البحريات مع ملعقة زيت فى طاسة على نار عالية


نجيب حلة ونضع فيها ملعقتين زيت ونشوح البصل فيها لمدة 3 دقايق
بعد هذه المرحلة ممكن اضافة جزر مقطع مكعبات صغيرة ويقلب لمدة دقيقتين (بس ما كان عندى جزر)



وبعدين نضيف الدقيق ونقلب لمدة 3 دقايق


وبعدين نضيف اللبن الحليب والمرقة والماء ونصف كوب كريمة لبانى ونقلب


ونظبط الملح .. مع رشة فلفل ابيض
واول ما تبدأ الشوربة فى الغليان .. نضيف البحريات




وبعد خمس دقائق نضيف الشبت والكزبرة الخضراء ونطفى النار (فى الأصل كانوا حاطين كرفس ولكن الشيف قالى ممكن استبداله بالشبت والكزبرة الخضراء وبصراحة طلعت احلى من الكرفس)


ونقدمها بالهنا والشفا


المصدر صفحه مع بيرو احلي على الفيس بوك https://www.facebook.com/beroahlabero

الخميس، 26 يناير 2012

طريقه عمل مربي التين بالصور

المقادير
2 كيلو تين - 5 كوب سكر
ملحوظة: فى المربات عامة .. لكل كيلو فاكهة كيلو الا ربع سكر لكن انا عملتها بسكر أقل .. نقصت نصف كوب من كل مقدار ( يعنى بدل 6 كوب سكر خليتهم 5 كوب بس )



اول شئ قطعت التين قطع صغيرة وشلت العنق بتاعه .. فيه ناس بتشيل القشرة .. انا لأ ..
 


وبعدين حطيت السكر عليه وقلبته كويس


وحطيته فى الثلاجة من الليل لغاية تانى يوم
وتانى يوم حطيته زى ما هو على نار هادئة



هنلاحظ ان فيه ريم بدأ يظهر على الوجه .. نشيله وكل ما يظهر نشيله


وفى الوقت ده نجهز .. ليمونة .. وعود قرفة خشب
واول ما يخلص الريم .. نعصر الليمونة على المربى ونضيف عود القرفة ..



ونسيبها على نار هادئة لغاية ما تستوى ..
وكمان نجهز البرطمانات بأننا نرصها فى صينية وندخلها الفرن شوية علشان تتعقم ..




وبعد حوالى 45 دقيقة نلاقيها بالشكل ده
 


نصبها فى البرطمانات وهى سخنة ..
 


واقفلها وهى سخنة برضوا واخزنها ..


ولما استخدمتها كانت خطيرة <<< استخدمتها فى نفس اليوم طبعا


مع القشطة ... اطعم مربى .

 

المصدر صفحه بيرو على الفيس بوك https://www.facebook.com/beroahlabero

الزبادي على طريقه بيرو بالصور

الزبادى
(اللبن الزبادى) (الروب) على حسب اختلاف اللهجات ^_^
4 كوب لبن حليب دافئ - علبة زبادى جاهزة



ونحتاج أيضاً
مضرب سلك - وأكواب زجاجية (استخدمت البايركس لأنى هادخلها الفرن)



اللبن طبعاً يكون دافئ
أضع علبة الزبادى على اللبن
(من الممكن وضع ملعقة واحدة ولكنى اضع العلبة كاملة لأنى لا أستفيد من باقى العبوة فأضعها بدلاً من رميها)

 


وأقلب بالمضرب حتى تتفتت الزبادى وتختلط باللبن جيداً


وفى هذا الوقت أشغل الفرن على درجة حرارة 160 ثم ابدأ فى صب الزبادى فى الأكواب
 


ماشاء الله زادت الأكواب
 


بعد ما انتهيت من صب الزبادى فى الأكواب أطفى الفرن وادخل الصينية وعليها الأكواب فى الفرن وبعد ساعة أكرر نفس العملية
افتح الفرن لمدة دقيقتين .. مجرد انه يسخن بس واطفى وادخل الزبادى .. بس انتبهى يسخن منك الفرن لأن الزبادى راح تفصل ويتكون ماء على وجه الكوب وفى اسفله
تكرر العملية حوالى ثلاث مرات .. خلال اربع ساعات وبعدها الزبادى جاهزة .. ادخلها الثلاجة حتى تتماسك
وبألف هنا وشفا




المصدر صفحه بيرو على الفيس بوك https://www.facebook.com/beroahlabero