تابعينا عبر الايميل

Related Posts Plugin for WordPress, Blogger...

الأربعاء، 11 يناير، 2012

بريانى الدجاج .. بالصور

اول شي نجيب دجاجتين .. ونغسلهم زين بملح ودقيق
قطعت الدجاج الوحده لــ8 قطع وشلت الجلد من عليهم ...
بعد غسلهم وتنظيفهم حظيتهم بقدر مع شوي ماء وملح وهيل عشان ريحة الدجاج
بسلقهم تقريباً نص سلقة مو سلقة كاملة ..



وكل مايطلع ( الريم ) على وجة القدر ينشال طبعاً


خلاص خلصنا من الدجاج ... نروح للكشنة
قطعت حبتين بصل كبار مع حبتين فلفل أخضر بارد وشوحتهم على النار ..

 


بعد مايذبل البصل شوي .. نحط عليه حبتين ماجي ..وبهارات الكاري .. ومغلف من بهارات الرز
الهندي من كنور .. صراحة إذا إجتمعت هي والكاري اللي يجي بعلبة خضراء من جد يعطيك نكهة
مطعم هندي أصلي إسمة ( مدراس ) وأحط معهم علبتين زبادي لكل دجاجه علبة 




وهنا بعد ماحطيتهم على البصل والفلفل وحركتهم شوي .. وحطيت ليمون اسود


وحطيت الفراخ


هنا بعد ماحطيت علية الكزبرة وشوي شبت عشان يعطية النكهة الأصلية للأكل الهندي


بعد كذا تركت الدجاج يتسبك بالخلطه شوي ورحت احمر المكسرات اللي بحطها بالنهاية


بعدها طبعاً حطيت رز على النار بموية وملح ( أنا احب استخدم الملح الخشن بكل شي )
وماجي الرز الأبيض مع ان كثير يحذرون من الماجي بس ماااش إدمان
وحطيت معه ورقتين غار .. طبعا بسوية نص إستوا .. لأنه بيقعد له شوي مع الدجاج




بعد ماشفته تقريباً صار نص إستواء حطيته على الحلة اللي فيها الدجاج .
ترا المفروض هو يكون طبقات دجاج بعدين رز بعدين دجاج بعدين رز .. بس ماحبيتة كذا
بس انا من جد أحب اقلبة وأحط علية مكسرات يطلع شكله ارتب ..
تذكرت اقولكم قبلها كنت منقعة شوي زعفران بموية عادية البعض
يحب إنها تكون موية ورد بس ماحبيت موية الورد فيه من ناحيتي ..
رشيتها على الوجه بشكل عشوائي ...




خلاص بعد كذا غطيته بقصدير بعدين الغطا .. ووطيت الناار آخر شي
علشان ياخذ رااااحته ويتحمر الدجاج ويطلع شكله تمام ...
بعد ساعة الا ربع تقريباً ...
قلبتة وحطيت علية المكسرات .. وقدمته



المصدر : منتديات شمواه www.shamoa.com

0 التعليقات :

إرسال تعليق