تابعينا عبر الايميل

Related Posts Plugin for WordPress, Blogger...

الخميس، 26 يناير، 2012

طريقه عمل مربي التين بالصور

المقادير
2 كيلو تين - 5 كوب سكر
ملحوظة: فى المربات عامة .. لكل كيلو فاكهة كيلو الا ربع سكر لكن انا عملتها بسكر أقل .. نقصت نصف كوب من كل مقدار ( يعنى بدل 6 كوب سكر خليتهم 5 كوب بس )



اول شئ قطعت التين قطع صغيرة وشلت العنق بتاعه .. فيه ناس بتشيل القشرة .. انا لأ ..
 


وبعدين حطيت السكر عليه وقلبته كويس


وحطيته فى الثلاجة من الليل لغاية تانى يوم
وتانى يوم حطيته زى ما هو على نار هادئة



هنلاحظ ان فيه ريم بدأ يظهر على الوجه .. نشيله وكل ما يظهر نشيله


وفى الوقت ده نجهز .. ليمونة .. وعود قرفة خشب
واول ما يخلص الريم .. نعصر الليمونة على المربى ونضيف عود القرفة ..



ونسيبها على نار هادئة لغاية ما تستوى ..
وكمان نجهز البرطمانات بأننا نرصها فى صينية وندخلها الفرن شوية علشان تتعقم ..




وبعد حوالى 45 دقيقة نلاقيها بالشكل ده
 


نصبها فى البرطمانات وهى سخنة ..
 


واقفلها وهى سخنة برضوا واخزنها ..


ولما استخدمتها كانت خطيرة <<< استخدمتها فى نفس اليوم طبعا


مع القشطة ... اطعم مربى .

 

المصدر صفحه بيرو على الفيس بوك https://www.facebook.com/beroahlabero

1 التعليقات :

إرسال تعليق