تابعينا عبر الايميل

Related Posts Plugin for WordPress, Blogger...

الأربعاء، 11 يناير، 2012

طريقه عمل الفطير المشلتت بالصور و الخطوات

طريقه عمل الفطير المشلتت بالصور و الخطوات للشيف دلوعه :)
استخدمت دقيق فاخر كيسين من ده يعني المجموع (2 كيلو)


وعلى كل كيلو مقدار 1/2 معلقة كبيرة ملح


وحنحتاج ماء عادي (حسب الدقيق ما ياخذ) والفطير يا بنات محتاج عجن كويس . وأنا عملتها لما كان المزاج رايق ^_^ فعجنت بإيدي مش بالعجانة وافتكرت خالاتي في مصر لما كنت صغيرة كانو بيعجنو بالخمس والستة كيلو وأنا عجنت 2 كيلو وتعبت ^_^ كفاية رغي ونكمل
 


هنا شكل العجين بعد ما خلصنا من العجن . خدت حوالي نص ساعة ومحتاجين عجينة طرية ولينة ومتماسكة
 


عجينة الفطير محتاجة ترتاح كويس جدا علشان تفرد معانا بعد كدة بكل سهولة . بعد ما عجنتها قطعتها لكور ودهنتاه بالزيت وحطيتها في صواني مدهونة بالزيت ومتبطنة بورق الزبدة وغفلتها بالنايلون ودخلتها الثلاجة واستخدمتها تاني يوم



بصو هنا بقى تاني يوم لما طلعتها من التلاجة ملاحظين ازاي العجينة متماسكة ولنية وجاهزة للفرد^_^
 


بصو يا حبايب قلبي ميزة ورق الزبدة . بما اني ال عجينة لينة فممكن تلزق بالذات لو خليتيها في الثلاجة زيما ما انا عملت ليوم كامل
 


هنا يا فتوكات نلاحظة العجينة بتمط ازاي . وده سر الفطير لازم تبقى العجينة كده مهما مطتيها ما تتقطعش . وممكن نوصل للقوام ده عن طريق طول مدة العجن ونخليها تراح لفترة طويلة علشان مادة الجلوتين الي في الدقيق تدقينا القوم الي بيمط زي الصورة
 


حنحتاج طبعا لسمنة(يا بختكو انتو في مصر ممكن تستخدمو السمنة البلد وبتبقى جميلة في الفطير)
 


عملية فرد الفطير
ناخذ حتى ونبدأ نفردها بإدينا أو بالنشابة




ونبدأ نشد الأطراف بالطريقة دي


وبكل بساطة يا فتوكات حتمط معانا ومش حتتقطع لاني العجينة ارتاحت لفترة طويلة . بصو ايدي واضحة من تحت العجينة ازاي وعاملة زي الشيفون
 

وما ننساش يا فتوكات نفرد الاطراق علشان الفطير يطلع كلو مورق عندنا


كده بعد ما فردنا أول كورة عجينة لاحظوا شفافة جدا ومفرودة حلو


نرش السمنة ونزعها على كل العجين


ونبدأ نطوي الفطير على بعض بالشكل ده (بصو ال3 صور الي تحت)




وكده بعد ما طوينها على بعض . دي يا فتوكات نمرة واحد


حنفرد كورة عجينة تانية بنفس الطريقة ونحط (الفطيرة نمرة واحد) جواها بالطريقة دي


وندأ نطوي جوانب العجينة علشان تغلف الفطيرة الي جوة (دي فطيرة نمرة2)


ودي تالي طبقة(الفطيرة نمرة3)


الحمد لله هانت أخر فطيرة أهي وحخلص تعبت ورجلي وجعتني من الوقفة والفرد


كدة ربنا سهلها ^_^ وخلصت لف كور كور العجينة وطلعو بسم الله ماشاء الله 5 فطيرات. وسبتهم يرتاحو لحوالي الساعة علشان أعرف أفردهم
 


هنا يا حبايب قلبي شكل الفطير من قريب لما ارتاح ملاحظين ازاي .ممكن يتفرد بسهولة . على العكسي لو فردنها بعد عميلة التوريق
 


هنا فردت الفطيرة على كل الصينية


ودي صوره أوضح لشكل الفطير المفرود


وهنا الحبايب متجمعين على الخير ^_^


طريقة خبز

الفطير محتاج لفرن حامي جدا جدا . أنا خبزته على حرارة 200 تقريباً لاحظوا هنا شكل الفطيرة وهي في الفرن بعد حوالي العشر دقائق على طول بدأت تاخذ لون خفيف ونفخت ازاي من تأخير ورق العجينة والسمنة الي بين

 


بصو هنا صورة أوضح لشكلها واضح انها منفوخة ولما ضغط عليها بالسيكن دخلت شوي


وبعد حوالي الربع ساعة طلعتها واتأكدت لو القعر اتحمر ولا لسه (بس الحمد لله كده كويس جدا وده المطلوب لون دهبي جميل)
 


وده شكل الفطيرة من فوق



وده شكلها من تحت لاحظوا شكل التوريق واضح ازاي


وبعد ما خرجت من الفرن دخلتها في كيس علشان تفضل طرية

المصدر منتدي فتكات forums.fatakat.com

40 التعليقات :

سلام شيف دلوعة،
قرأت كتير عن طريقة عمل الفطير المشلتت.. وجربت كام مرة
(لسه ما وصلت للشكل المطلوب)
عجبني الكثير من توضيحاتك (العلمية)

انا مش شيف دلوعه يا حبيبتي :) لكن طبعا وصفتها رائعه جدا جدا و حبيت اشارككم بيها و ربنا يجعله في ميزان حسناتها ان شاء الله

جزاكى الله خيرا ع النقل المفيد... الشرح واضح وجميل .. اجربها ان شاء الله

فعلا انت دلوعو وحبوبه والفطيرة جميلة مثلك ودلوعة وتسلم إيدك ياجميل حاجة جميلة انا هاقوم اعمل زيها ويارب تطلع حلوه مثل بتاعتك

ياسﻻم انتى فخر لكل محبى الفطير بس عاوزة اسالك هووة مش فيه خميره واستعملتى زبده وﻻسمنه وايه نوع السمنه

تسلم ايدك بس اول مره ااشوف وصف جميل كده الف شكرا يااختى

مشكوووووووووووووووووووووووووووووووور

شككككررررا على الوصفة والصور والشرح

الف شكر يا اخت الله يكثر من امثالك يالغالية جزاكي الله خير راح اجربها بكره انشالله

يسلمو يادلـــــــــــــــوعه

بجد تسلم ايدك على الخطوات والتوضيح بالشرح والصور . وجزاكى الله خيرا وبالهنا والشفا. بس ممكن توضحى بيحتاج كم كوباية مية وممكن افرد العجينة علشان التوريق بعد مثلا 5 ساعات وشكرا جدا جدا

تجنن روعه خطيره من يدمنعدمهاش طبعا اناسعوديه واحب الفطيرمووووت يعطيك العافيه ياقمر

تسلم ايدك طريقتك سلسه جدا في الشرح نشكرك بجد

يسلم ايدك يارب
ويعطيكى العافية طريقة سهلة وجميله انشاء الله بسويها وانشاء الله تطلع حلوه مثل فطايرك يحبوبه

ماشاء الله طريقه واضحه سهله ان شا ء الله بجربها وجزاكي الله خير

ما شاء الله تسلم ايديكي وجزاكي الله خير الوصف سهل وبسيط .

تسلم اديكى مشاء الله شكلها حلوه جدا وطريقتها سهله

انا عملته وطلع جميل وحلو بفضل الله وخيركم من علم العلم وعلمه وتسلم يدك وربنا يجزيكى خير

جايلي ضيوف ونفسي اعمل فطير زي اللي عملتيه ده
بس هعمله يعني هعمله ^_^ربنا يستر ويبيض وشنا قدامهم
عايز اعرفهم ان مصر فيها حاجات حلوه تجنن:))

طيب وما نحط سكر معقولة ؟؟ وتبقى مشلتت ازاي من غير سكر !!!

تسلم ايدك بجد انتى ممتازه جدا في الشرح وشغلك جامد ربنا يكرمك يارب

تسلم ايديكى بس عاوزة اعرف كم فطيره داخل الفطيره الرجاء الرد

تسلم الايادي انا كمان بعمله كده بس اول مرة اعرف انه العجين يتحط في التلاجة بجد تسلم ايدك

وصفه جميله جدا حببتنى فى عمل الفطير مشكوره اختى

بسم الله ماشاء الله على الفطيره وعلى روحك الحلوه

تسلم ايدك تحفة بس انتى بتحطى كام فطيرة فى بعض ولا حسب الرغبة

بجد تحفه بس ليه بعد مابعملها وافردها بتكش وقت الخبز فى الفرن يعنى تبقى واخده الصينيه والاقيها صغرت عن حجم الصينيه

جربت عمل الفطير بنفس الخطوات بس مش عارفه ليه طلعت ناشفه قوي
ياريت تقول لي السبب وجزاكي الله خيرا على الموضوع

إرسال تعليق