تابعينا عبر الايميل

Related Posts Plugin for WordPress, Blogger...

الاثنين، 6 فبراير، 2012

طاجن كفتة بالبطاطس بالصور و الخطوات

المقادير
1/2 كيلو لحمة مفرومة - بصلة كبيرة مبشورة - حوالى 5 معالق خضرة مغسولة ومفرومة  - ( بقدونس وكسبرة وممكن وحدتين شبت بيدى ريحة وطعم جنان) - فصين ثوم - ملح وفلفل وبهارات لحم وحبهان مطحون - بطاطس متقشرة ومتقطعة مكعبات - فلفل متقطع مكعبات - صلصة  -   ( 4 طماطميات مفرومين وبسبكها فى معلقتين زيت على النار   ومعها ملح وفلفل ومعلقة سكر صغيرة وممكن تحطوا فص ثوم مفروم) - زيت للقلى شوية صغيرين

الطريقة
معلش ما صورتش من اول خطوة لكن هقولكم بالتفصيل الممل إن شاء الله
1- صفيت البصلة المبشورة كويس جدا مع الملح واخدت البصل بس وشلت المياه على جنب
2- حطيت اللحم مع البصل والملح والفلفل والبهارات والثوم المفروم والخضرة المفرومة
وعجنتهم بايديى كويس جدااااااااااااااااا وعملتها كور



جبت طاسة وحطيت فيها زيت مش كتير وشوحت البطاطس والفلفل الأخضر فيها
وبعدين صفيتهم





بدات اقلى الكفتة و بحطها بالراحة ومش بحركها لغاية ما تبتدى تمسك نفسها من تحت وتاخد لون

وبعدين اقلبها على التانية وتتصفى على ورق مناديل


والصورة اللى جاية لما قلبتها على الناحية التانية


اجيب الطاجن واحط فيه البطاطس والفلفل الأخضر


بعدين ارص الكفتة فوقها ومعلش الصورة ما طلعتش مش عارفة ليه

7- اصب الصلصة فوق الكفتة والبطاطس



 
اغطى الطاجن بالفويل وادخله فرن متوسط لغاية ما البطاطس والكفتة يكملوا بس سواهم

وعملت وقتها الأرز بالشعرية



ودى صورة طاجن الكفتة والبطاطس لما استوى

 والريحة كمان تحفة بجد الخضرة بتدى ريحة جميلة

ودى صورة طبق التقديم


المصدر منتدي فتكات http://forums.fatakat.com/

0 التعليقات :

إرسال تعليق