تابعينا عبر الايميل

Related Posts Plugin for WordPress, Blogger...

الثلاثاء، 21 فبراير، 2012

طريقه عمل فراخ مشويه بالليمون بالصور و الخطوات

نبدأ بالمكونات

1 فرخه متوسطه (حوالى 2 كجم) - 1 بصله كبيره - 1 طماطم متوسطه - ... 1 ليمونه كامله بقشرها - 2 معلقه ك زبادى(وممكن نستبدلهم بـــ ربع كوب لبن حليب) - 1 معلقه ك زيت زيتون(وممكن أى زيت نباتى) - 1 معلقه ك خل أبيض (وممكن خل العنب)
1 عود روزمارى أخضر (وممكن الجاف بس الطازه ريحته مختلفه) - تشكيله من البهارات عباره عن:
( نعناع جاف . توابل مشكله .حبهان . لورا . زعتر جاف .) - ملح وفلفل اسود حسب الرغبه فى الكميه

انا بجيب الفرخه وأقطعها 4 وأغسلها كويس جدا وبسيبها منقوعه فى ماء مملح ودقيق حوالى نص ساعه بعد كده بطلعها فى مصفاه وأسيبها تصفى كل الماء والدم اللى فيها حوالى نص ساعه كمان
وزى مانتو ملاحظين انا عامله فتحات فى الفراخ عشان تشرب من التتبيله كويس



بعد كده بجهز التتبيله
بحط كل المقادير فى الكبه وأخلط كويس بعد كده بجيب الفراخ وأحط عليها التتبيله فى علبه تلاجه وأسيبها منقوعه ليله كامله فى التلاجه

 


وكده كل الفراخ اتبلت تمام
 


تانى يوم بطلع الفراخ من التتبيله وأحطها فى مصفاه ودى بيدى فرصه لكل السوائل اللى لونها وردى اللى نزلت منها بسبب الخل والملح والليمون انها تنزل وماتنطبخش معاها تانى وبسيبها ربع ساعه تقريبا لحد ماتصفى ميتها وكمان عشان تحتفظ بالسوائل الداخليه اللى جواها وتفضل طريه بعد الشوى
 


بعد كده بحطها فى صينيه فرن


وبغطيها وأحطها على نار هاديه على البوتاجاز حوالى 10 دقايق

والخطوه دى انا بفضلها لما يكون حجم الفرخه كبير عشان اضمن التسويه التمام وماتاخدش وقت اطول فى الفرن وتنشف منى

 


وبعد كده بشيلها من الصينيه وأرصها على شبكه فرن البوتاجاز اللى بكون مسخناه من قبلها على درجه حراره فوق المتوسطه حواى 200 م(وطبعا بسيب الدرج بتاع الشبكه تحتها عشان السوايل والدهون اللى حتنزل متتحرقش وتعمل دخان )

وعلى فكره انا بولع الفرن من تحت بس ولحد الفراخ ماتستوى أنا مش بولع الشوايه خااااااااااااالص
واللون اللى بتاخده الفراخ بيكون من حراره وسخونه الفرن فقط لا غير.......

 


وبسيبها فى الفرن وبقلبها من وقت للتانى (كل 10 دقايق تقريبا)
 


لحد ما تاخد اللون المميز وتستوى تمام ....


بعد كده بطلعها من الفرن وأعصر عليها ليمونه طازه بتديها طعم وريحه تجنن
وبقدمه فى طبق التقديم بالشكل ده

 

منقول من صفحه اكلات بالخطوات https://www.facebook.com/cookingsteps

1 التعليقات :

إرسال تعليق