تابعينا عبر الايميل

Related Posts Plugin for WordPress, Blogger...

الثلاثاء، 13 مارس، 2012

سمبوسة بحشو الأبل باي ((حشو فطيرة التفاح))

مقادير الحشو :-
زبدة صفرا
3 تفاحات أخضر زي اللي في الصورة ((لازم أخضر عشان مفهوش ميه كتير وهو التفاح اللي بيتعرض للنار بس أما باقي التفاح مينفعش تعرضيه للنار خالص هايتهري ويتبهدل))
3 معالق كبيرة سكر عادي
نص معلقة كبيرة قرفة
جوز هند + زبيب + بندق + لوز
سكر بودرة ناعم للتزيين



الطريقة :-
نقشر التفاح ونقطعه كده



نسيح الزبدة على اصغر عين في البوتجاز بس عليها على الآخر ،،، كده
 


ننزل بالتفاح وخلي النار عالية ونقلب كده


نحط عليه السكر والقرفة ونقلب


ونسيبهم دقايق لحد ما التفاح يستوي نص سوا يدوب يطرا مش يتهري
 


وانا كنت طحنت البندق واللوز فننزل بيهم هما والزبيب وجوز الهند هتلاقيهم شربوا كل السوايل اللي في الطاسة بالشكل دا تقلبيهم كويس وتشيلي من على النار
 


تبدئي تلفي السمبوسة وزي ما قولنا نقطة الدقيق والميه في آخر السمبوساية عشان متفتحش في التحمير


بالشكل ده



انا بقى حشيت كتير وبحطهم في الفريزر ولما احتاجلهم اخدهم احمرهم وها متلجين بيبقوا زي اللي ليه معمولين حالاً


وتحمري


وتطلعيها لونها دهبي وترشي على الوش سكر بودرة وتتاكل سخنة وبألف هننااااااااااا
ودا طبق كده صغنون ليكوا



المصدر منتدي فتكات http://forums.fatakat.com/thread1815158

0 التعليقات :

إرسال تعليق