تابعينا عبر الايميل

Related Posts Plugin for WordPress, Blogger...

الخميس، 26 أبريل، 2012

طريقه عمل الكريب بانيه

مقادير الكريب
رشة فلفل اسود - كوب لبن حليب - نصف كوب دقيق - بيضة - ذرة ملح - ربع ملعقة كبيرة سكر - ملعقة كبيرة زبدة مذوبة


للحشوة
الخليط ممكن تستخدميه فى حشو الفطائر أو البيتزا أو مع المكرونة يعنى كله شغااااال
...

صدور فراخ مقطعة قطع صغيرة
فلفل ألوان مقطع مكعبات صغيرة
بصلة متوسطة مقطعة مكعبات
2 ملعقة كبيرة صويا صوص
4 ملعقة كبيرة قشطة أو كريمة
ملعقة كبيرة جبنة كاسات بطعم الشيدر (أو زى ما تحبى)
ملح وفلفل اسود << اختفى من الصورة *_*
 
 
 تابع باقى المقادير

مشروم طازج مقطع و2 ملعقة كبيرة زبدة
 
 
 فى ملعقة زيت زيتون نشوح البصل

وبعدين الفراخ حتى يتغير لونها .. مع رشة فلفل اسود علشان ريحة الزفرة
 

وبعدها نضيف الفلفل الألوان
 
 
وبعدها نضيف الصويا صوص ونقلب ونظبط الملح ونضيف القشطة والجبن ونتركها على نار هادئة تستوى بعد ما نغطيها


نيجى للمشروم

نسيح الزبدة على النار
 

ونضع المشروم مع رشة فلفل اسود
 
 
و3 دقايق يبقى جاهز
 
 

وهنا شكل الخليط لما استوى
 

نجهز الثنائى المرح
البيض

البقسماط
 

نفرد الكريباية
 

نضع جزء من خليط الفراخ
 

وبعدين جزء من المشروم بالزبدة
 

وزيادة فى التشويق والإثارة حطى جبنة سلايس او موزاريلا
 

ونلفها روول ونقفل الجوانب
 

نخفق البيضة مع فلفل اسود

ونغمس فيها الكرباية
 

وبعدين فى البقسماط
 

ويبقى الكريب جاهز للقلى
 
 

وفى زيت الذرة نقليه انتبهى فى لحظات بيتحمر كل حاجة مستوية جواه يادوب لون ذهبى اللى بنحتاجه
 

ويلا استمتعوا بالطعم الجميل ^_^
 

المصدر : صفحه مع بيرو احلي 
 

2 التعليقات :

هجربة وهقولكم طلع معايا ايه بس معلش انا عندى سنة بس عاوزة اعرف الصويا صوص ده بيتباع فين بالظبط علشان ميحصليش احراج

إرسال تعليق