تابعينا عبر الايميل

Related Posts Plugin for WordPress, Blogger...

الثلاثاء، 22 مايو، 2012

شاورمه لحم بخبز الصاج



حبيباتي في الله دي شاورمه لحم بخبز الصاج
المقادير لحمه شرائح رفيعه ويفضل بتلو وللتتبيله وكميتها تقريبيه حسب كمية اللحمه وقطعة ليه و بتبلها في زبادي ومعلقتين طحينه وخل وملح وفلفل وبهارات لحم وبابريكا وجنزبيل وثوم بودر وبصل بودر وبنجهز كميه من البصل الشرائح وسماق
 




هنا اللحمه بعد مبيتناها في التتبيله عشان تتشربها كويس ونسيبها في التلاجه



بنسخن طاسة تيفال اوي وفيها معلقتين زيت ولازم تسخن عشان اللحمه متجيبش ميتها ونقلب فيها اللحمه كويس لحد متتحمر ننزل بالبصل بعد مندعكه بسماق ونقلبهم لحد البصل ميستوى بس مش قوي



هنا الشاورما بعد متحمرت هيا والبصل




ندخل بقا علي طريقة عيش الصاج للشاورما وبامر الله سهل
المقادير 
كوب دقيق رشه ملح رشه سكر معلقه صغيره بيكنج بودر ومعلقة زبده سايحه وممكن زيت بدلها بس الزبد بطريه افضل بنعجنهم مع بعض ونسيب العجينه تريح شويه



هنا العجينه لما ارتاحت بنفردها علي رخامه مدهونه زيت ونفردها رفيع بس منزودش الفرد يعني منرقرقهاش اوى





بندهن طاسة تيفال بزيت ونسخنها ونحط العجينه ونضغط بمعلقه خشب بالراحه عشان العجينه متقبش مننا



هنا بعد منخلص رغيغ رغيف نغطيه بفوطه عشان مينشفش وونرص الكميه فوق بعضها ونلفها كويس عشان يفضل طري





بعد كده بندهنه بسلطه طحينه ونفرد عليه الشاورمه ونلف رول ونرجعه لطاسه تيفال مدهونه زيت عالنار يخد لون



هنا بعد ملفينهم رول حطينهم عالنار فس طاسه تيفال ونقلبهم عشان يخدو لون دهبى



هنا بعد مقطعنا الساندويتشات ونقدمها والف هنا ولاتنسونااااا من صالح دعائكم




المصدر 
أكلات بالخطوات

0 التعليقات :

إرسال تعليق