تابعينا عبر الايميل

Related Posts Plugin for WordPress, Blogger...

الثلاثاء، 11 سبتمبر 2012

فراخ بالبصل المكرمل بالفرن بطريقه سهله


نقطع 3 بصله كبيره حلقات ..
ونحط عليهم ملح + فلفل + معلقه صغيره بهارات مشكله + معلقه كبيره شطه بودر +معلقه كبيره سكر + 3 معلقه كبيره خل ...
ونقلبهم يادوب يتخلطوا كويس مع بعض ..
انا دعكتهم خفيف خالص ..
متنزليش ميه البصل وانتى بتدعكيه 



ودى فرخه وزن كيلو و نص ...
مغسوله بالدقيق والملح وفتحتها من الضهر من فوق لأسفل .. ونقعتها 10 دقايق بميه وخل ..
وبعد مصفتها من النقع عملت فتحات فى لحم الصدر زى ما انتم شايفين وحشيتها من البصل بس مش كتير علشان يستوى ميكونش بيقرش .. وعملت فتحات فى الوراك وبرده دخلت فيها شويه بسيطه بصل وتتبيله ..
وحطيت البصل تحتها وسبتها على نار عليه لمده 10 دقايق وزوتها كوبايتين ميه وهديت النار علشان تكمل سواها




وهنا استوت خالص ..
وننقلها على طبق بس نحافظ عليها بنفس الشكل ده 




وباقى البصل بيكون دبل على الاخر نسيبه على نار هاديه
لحد ما يتكرمل ونظبط الملح ولو احتاجت شويه فلفل اسود
نحط معلقه صغيره على حسب الرغبه ..
وبعدين نرجع الفرخه عليها وندخلها تحت الشوايه تاخد لون
وتخرج
و بالهنا والشفاا




فراخ بالبصل المكرمل ::
ودى النتيجه بعد ما العروسه خرجت من تحت الشوايه ..
الطريقه بالصور ال بعد دى ... يارب تعجبكم
طعمهاااا ررررروووووعععععههه

المصدر  Ghada London

0 التعليقات :

إرسال تعليق