تابعينا عبر الايميل

Related Posts Plugin for WordPress, Blogger...

الثلاثاء، 11 سبتمبر، 2012

طريقه عمل بيتيفور بالماكينه

الـمـقـاديـر 
**********

المقادير دى للتشكيل بالماكينه الاشكال لان ال بيتعمل بالكيس بنزود الزبده شويه حوالى 150 جرام
1 كيلو دقيق
700 جراام زبده بحرارة المطبخ بس انا عملتها كانت ساقعه شويه او 750 جرام لان فى دقيق بيتشرب زبده
1 و 1/2 كوب سكر بودره ناعم جدااْ
6 : 8 حبات بيض على حسب حجم البيض لو صغير حطى 8 حبات
فانيلياا كتير انا حطيت 4 باكو هتشوفوا فى الصور
وعملت تاتش 1/2 معلقه صغيره قشر برتقال مجفف مطحون وده علشان اقضى على الزفاااره للبيض تماماااْ
الــطــريـقـــــه


************
بالمضرب الكهربى نخفق الزبده لما تكون هشه جداااْ ونضيف السكر البودره ونخفق لغاية لما يكونوا فاتحين جداااْ ولونهم مائل للبياض
نبدأ نضيف البيض واحده واحده مع الخفق على العاالى ونزود الفانيليااا ونخفق لما يتجانسوا
نطفى المضرب ونزود بعد كده الدقيق شويه شويه ونقلب بمعلقه خشب او سباتيولا او باليد زى ما انا عملت  بس نقلب برااحه خاااااالص ومنعجنش كتييير علشان الدقيق ميعملش عرق اول ما الدقيق يختفى خلاص نلم العجينه ونحطها تستريح فى التلاجه ساعه
وبعدها نحطها بالماكينه و نشكل اشكال زى ما تحبوا
و لو عايزه بالشيكولاته قسمى العجينه نصفين و حطى معلقتين كاكااو غامق بدون سكر مع معلقه كبيره زبده وقلبيها على نص العجينه وشكلى
و ندخل الفرن يكون متسخن على 160 : 170 درجه
لمدة 10 : 15 دقيقه لحد ما قعره يبقى دهبى وردى ولما يبرد شيليه من الصوانى و زينى بالشيكولاته او المربى و الفارماسيل او المكسراات
والف هنا وشفااا
اتفرجوا على الخطوات بالصور 



الدقيق المنخووول ..




الزبده بالمضرب على سرعه عاااليه لحد ما نفشت و هشت ...




الزبده والسكر النااعم بالمضرب على السرعه العاليه ...



6 بيضات و 4 فاانيليااا ..




1/2 معلقه قشر برتقال مجفف مطحوون ...
قضى على الزفاره نهاائياااْ ..
 



بعد ما اتشكل بالماكينه ..




يخرج اول ما القعر يبقى دهبى و وردى و لون الوش ميغيرش ...


المصدر Ghada London

2 التعليقات :

تسلم ايدى والله البيتى فور كان روعععععععععه يا منمن :*

فين البيكينج بودر ولا البيض كفايه

إرسال تعليق