تابعينا عبر الايميل

Related Posts Plugin for WordPress, Blogger...

الثلاثاء، 11 سبتمبر 2012

طريقه عمل شوربه العدس

نص كيلو عدس أصفر مغسول جيداااااْ ومتصفى 



نقشر 3 جزره متوسطه + بطاطسايه صغيره + طمطمايه كبيره + بصله متوسطه + معلقه توم مفروم او 5 فصوص توم + نص قرن فلفل اخضر صغير ...
نحط حله فيها ميه على النار ولما تغلى ننزل العدس وكل الخضار ده معاه ونسيبهم يغلو شويه وبعدين نهدى النار
ونحط باقى الاضافات ال فى الصوره ال جايه ...




نحط معاهم معلقتين كمون + معلقتين ملح + معلقه صغيره فلفل اسود + معلقه كسبره ناشفه مطحونه + 5 فصوص حبهاان
و معلقه كبيره سكر علشان يعادل حموضه الطماطم
بس نسيت اصورها ..... نخلى العدس يستوى مع الخضار على نار هاديه




بعد ما يستوى كويس ونسيبه يبرد ..
وبعدين نحطه فى الخلاااط ونضربه مع الخضااار كويس قووى
وبعدين نصفيه بمصفه سلك ناعمه علشان نسبعد قشر الخضار




وفى حله كبيره نحط معلقتين سمنه او زبده وزيت المتوفر عندك
و نفرم بصله ناعم ونسيبها تتحمر شويه و لما تصفر نحط معلقه توم مفروم يتحمر معاها ...




لما يوصلوا للون الدهبى الجميل ده ...
ننزل عليهم بالعدس المتصفى ...
تتتتتشششششششششششششششش ....
ونسيبهم يغلوا على نار هاديه ...





وهنا شويه شعريه بالبركه كده ههههههههههههههههه
على حسب الرغبه ونحمرها بمعلقه سمنه ..
ونحطها على العدس والبصله المحمره علشان تستوى معاهم .. ونظبط الطعم لو احتاج ملح نحط ولازم نحط معلقه كبيره كمون ونقلب ونهدى النار .. حتى تمااام النضج
وهى مبتاخدش حاجه يا دوب غلوه واحده بتكون استوت
وبعد ما اطفى النار بحط معلقه سمنه واغطى الحله واسيبها لمدة دقيقتين ... وبعدين أغرف اجمل طبق عدس ..
وانا كنت واخده معلقه كبيره متحمره وسيباها علشان التزيين على الوش ...





أتفضلوا معانا ...
بألف هنااااا و شفااااااا ....
بيدفى جدااااْ 

المصدر Ghada London

0 التعليقات :

إرسال تعليق