تابعينا عبر الايميل

Related Posts Plugin for WordPress, Blogger...

الأربعاء، 10 أكتوبر، 2012

صلصــة الفلفل الاحمــر


المقادير :_
كيلو فلفل رومي شديد الاحمرار ويكون بارد مش حار ..طبعا لاااازم يكون بارد..اقل حاجة تستخدميها كيلو ممكن تزودي زي ما تحبي تخليهم 3 كيلو او خمسه حسب ما تحبي
ملح خشن
مصفاه..وطبق غويط تحت المصفاه
اول حاجة هتعمليها ... تمسحي كل فلفلايه بقماشة قطنيه ناشفه ..والفلفلاية اللي تمسحيها تشيلي منها الحته الخضراء اللي فوق والبذور



بعد كده جيبي مخرطة اللي بنستخدمها في خرط الملوخيه وتخرطي الفلفل كويس اوى ...وتحطيه في مصفه زي اللي في الصورة وتحتيه طبق ..وتحطي في مكان معتديل الحرارة .. مدة يوم كامل 24 ساعة "مدخلهوش التلاجه ابدا " ..بعد ال 24 ساعة هلاقي ماية اتكونت في الطبق لونها فاتح اوىى دي مايه الفلفل اللي موجودة فيه اصلا هرميها وهرجع الطبق تاني تحت المصفاه .هناخد الفلفل المحطوط في المصفاة وهاحط عليه شوية ملح خشن واعصرة بايد
ي هينزل الصلصة ...او ما تخلصي عصر الفلفل كله عندك خيارين ياما تحطي الصلصة في زجاجة وتحطي ع وشها شوية زيت ومدخلهاش التلاجه تسيبيها علي اي رف عندك في المطبخ بس يكون بعيد عن درجه الحرارة او تعملي مثلي حطه الصلصة في علب زبادي كنت مجمعها عندي وتحطيهم في الفريزر واول ما تحتاجي صلصة تتطلعي علبة الزبادي اللي حطه فيها الصلصة خدي منها وتحطي بقيتها في اعلي رف عندك في التلاجه ^_^ ومتنسوش تدعو لجدتي الله يرحمها ♥ ومامتي حبيبتي
.طب والباقي من عصر الفلفل هاعمل في ايه ؟؟ هتفرديه ع صينية وتحطيه في الشمس ممكن تخليه في الشمس يوم او اتنين زي ما تحبي ولما ينشف تكوني مسخنه الفرن كويس وبعد كده تطفي عليها ودخلي بواقي الفلفل اللي نشفتيه ف الفرن يدوب عشر دقايق وتطلعيه وتطحنيه في المطحنه ويبقي عندك بابريكا بيتي وممكن لو عندك مش تحطيها عليه ^_^


وع فكرة بتدي لون احمر شديد اوى ماشاء الله ..بس خلي بالك لوهتعملي طبيخ بيها او مكرونة او .... تحطييها قبل كمية الطماطم بحيث انها تتسبك شوية قبل الطماطم وبعد كده تضيفي كوب من الطماطم او حسب الوصفة.....وهتشوفي بنفسك الفرق واد ايه بتدي لون احمر للاكل ...وبالف هنا يارب ^_^
 
المصدر

0 التعليقات :

إرسال تعليق