العنوان 1

ضع نص هنا

العنوان 2

ضع نص هنا

العنوان 3

ضع نص هنا

العنوان 4

ضع نص هنا

العنوان 5

ضع نص هنا

تابعينا عبر الايميل

Related Posts Plugin for WordPress, Blogger...

الاثنين، 30 أبريل، 2012

الديك الرومي بحشوه الخضروات

 لازم يكون عندك حلة كبيرة تنفع ليه

المقـــــادير
حلة كبيرة - حوالى كبايتين ملح خشن
1/2 كوب زبدة طرية ويستحسن سايحة خالص - بصلتين كبار مقطعين جوليان أو حلقات - حوالى 4 جزرات كبار مقطعين - كرفس مقطع حلقات - ملح وفلفل - ورق لورا - والديك الرومي

الطـــريقة
يغسل الديك طبعا وينظف
يدعك الديك من الداخل والخارج بالملح الخشن تمام من كل ناحية
ثم يوضع فى حلة مملوءة بالماء البااااارد وأنا بأقول بااااارد
مش ساخن ولا دافئ باااارد من الحنفية

للأسف الحلة عندى مش مغطية الديك لكن يستحسن تكون الحلة تكفى الديك بالكامل ويغطى بالكامل بالماء البارد

ويترك بالتلاجة لمدة 12 ساعة على الأقل أو فى خلال فترة الليل
ثم يغسل الديك جيدا من الملح ويشطف
مع التخلص من المحلول الملحى
ويترك فى التلاجة لمدة ساعتين أو تلاتة قبل التتبيل
ندهن الديك من برة وجوة بالزبدة وبين الجلد واللحم
خاصة فى منطقة الصدر
ونخلط الكرفس والجزر والبصل مع الملح والفلفل
ويتم حشو الديك من الداخل بالخليط السابق

ولو فاضل عندك من الحشو يوضع فى الصينية تحت الديك
ومعاه ورق اللورا وشوية مية وممكن شوربة

ويلف بالفويل ويدخل فرن حااار 180 مئوية
حوالى تلات ساعات ونصف إلى أربعة

وبعدين نفتح عليه ونمسحه من فوق بالزبدة تانى

ويترك حوالى ساعة كمان

لإكتمال السوا ويتحمر كويس

طبعا إنتم ملاحظين إن عند الصدر الجلد مش
ماسك فى اللحم لأنى فصلته بإيدى علشان أدخل الزبدة جوة



المصدر http://www.lakii.com/vb/a-7/a-706173/










ديك رومي مشوي بالفرن ( بالزبده و عصير التفاح )

ديك رومي حوالى 7 كيلو - 6 ملاعق كبيرة زبدة - معلقتين ملح - بصلتين كبار مفرومين
عصير ليمونة كبيرة - أوريجانو وريحان ناشف حوالى معلقة صغيرة - ربع كوب عصير تفاح غير محلى
تفاحتين ( يفضل النوع الحامض المزز يعنى) أنا إستخدمت تفاح أخضر
ممكن التفاح المصرى الناشف بيكون مزز قبل ما يستوى ويسكر

الطريـــقة

نخلط الملح مع الزبدة وعصير الليمون وعصير التفاح والبهارات مع بعض



 نجيب الرومي وندعكه بالخليط السابق بالذات عند الصدر بين الجلد واللحم وبعدين من برة
وأى باقى من الخلطة دى نخلطها مع التفاح ونحشى بيه الديك من جوة
  

وبعدين حطيته فى كيس الفرن ورشيته من بره بالبقدونس الناشف


يوضع فى فرن ساخن حوالى 350 درجة فهرنهايت
بيقعد حوالى 4 إلى 5 ساعات
حسب وزن الديك
بس نصيحة.... غطيه بفويل من فوق علشان ما يتحمرش قوى وقبل
ما يخلص بساعة إكشفى الفويل علشان يتحمر


 وممكن كمان أثناء السوا ترشى عليه عصير تفاح غير محلى برضه
لزيادة النكهة



المصدر http://www.lakii.com/vb/a-7/a-706173/



 

السبت، 28 أبريل، 2012

بالصور .. صناعه الجبن البيضاء بالمنزل

طبعا هي مكوناتها على اد ما تحبي بس لازم تكون قياسات دقيقة .
باللتر لما بدك تقيسي ما بينفع الشغل يكون ع البركة
المكونات اللي عملتها انا :


زي ما احنا شايفين محتاجين حليب وعصير ليمون .
عملت لترين حليب والحليب يكون بقري طبعا .
ومحتاجين عصير ليمونتين بالحجم ده .
 


هو المفروض كل لتر نص ليمونة لكن لما يكون الليمون بحجم دي تحطي لكل ليتر ليمونة كاملة .
الطريقة:
تغلي الحليب ع النار وتفضلي اتحركي طول ما هو ع النار احسن يتحرق ..


تحطي الليمون عليه ومجرد ما تحطيه رح يصير شكلو هيك . قطع ومتكتل على بعضو .
 


تتركيه حوالي 3 دقايق ع النار ..
وطفي من تحتو واتركيه يبرد تماما .
وبعدين محتاجين الحاجات دي .

 قطعة قماش نضيفة ,
مصفى ..
وكمان وعاء كبير زي دة .
................................
تحطي المصفى فوق الوعاء والقماشة فوقهم زي هيك .



وبعدين تصفي الحليب فيها ..
ملاحظين معايا شكل الحليب كيف صار ابتسام جميل
 


وتطوي القماش فوقها وتحطي فوقها شيء تقيل .


انا هنا غيرت المصفى عشان الاول ما بتحمل الوزن التقيل .
المهم حطيت كيس سكر وفوق القماش حطيت كيس عشان ما يدوب السكر من المية اللي ممكن تطلع ع القماش .
وتتركيها تقريبا 5 ساعات او اكتر لحد ما ميتها تنشف وتتصفى تماما .
 

هنا بالصورة الاولى اتصفت وشلتها خلاص من القماش .
رح تجيبي علبه تانية وتحطي فيها نايلون الاكل او كيس زي ما تحبي .
حطي الجبنة ورصيها هيك بالهاون از اي شي تقيل .
واقلبيها ورح تطلع هيك بالنهاية .
 

ملاحظة:

الجبنة كدة من غير ملح .
لما بدك تملحيها حطي الملح قبل الليمون .
ولو بتحبيها بنكهات ممكن بعد ما تغليها وتصفيها تخلطي معاها حبة البركة .
او قطع فلفل حامي . او زيتون زي ما تحبي .
وترصيها بالعلبة كويس وتقطعيها بعد هيك ...
والشكل النهائي عند التقديم كان كدة ابتسام جميل




المصدر : http://forums.fatakat.com/thread2781287





 
 


 

طريقه عمل عجه البيض و البطاطس بالثوم للافطار

المكونات هى
بصله كبيرة_فلفل اخضر حامى وبارد-طماطمايه كبيرة-ربع كوب زيت

3\4 كوب لبن-2معلقة دقيق-2بيضة-ملح وفلفل وشطة

الطريقة

اول حاجة هتحمرى البصل فى الزيت


ولما يتحمر شويه مش يتحرق تحطى الفلفل المتقطع وتقلبى دقيقتين

وبعدين تحطى الطماطم وتقلبى دقيقتين
 

وترفعيها من على النار وتحطى اللبن مع البيض والتوابل
 

وتضربيهم مع بعض وتحطيلهم الدقيق وتقلبيهم كويس
 

وتنزلى بالخلطة الى عملتيها وتظبطى الملح  
 

وبعد كده تكونى مجهزه صنيه فيها 2ملعقة زيت لوعايزه تدخليها الفرن
او فى طاسه تيفال علشان ما تلزقش منك وانتى بتقلبيها على البوتاجاز من فوق

اوتسويها على البوتاجاز من فوق وبعد كده تحطيها تحت الشواية تاخد لون

المهم انا سخنت الزيت كويس فى الطاسه ونزلت العجة
 

وغطيتها على نار هاديه لحد لما استوت قلبتها وكان ده شكلها
 

ومن جوه
 

وطبعا تتقدم ساخنه اما الطعم بجد يا جماعة رائع وخفيفه
وتانى حاجة عملت بطاطس بالثوم

المكونات

بطاطس وثوم مدقوق و4معالق زيت تقريبا وملح وشطه وفلفل وكمون

وبصراحه هى سهله جدا وطعمها جمييييل اوى انا بموت فيها

اول حاجه هتحطى الزيت مع الثوم على النار لحد لما يصفر مش يتحمر

وتكونى مقطعه البطاطس مكعبات او صوابع وتنزلى بيها على الثوم قبل ما يحمر وتقلبيهم كويس مع بعض


وتزوديهم حوالى معلقتين مايه وتغطى وتسبيهم يستوا مع التقليب من وقت لاخر
وقبل ما تطفي بشويه حطى الملح والتوابل واهم حاجة الشطه لو بتحبيها 


ولما تستوى البطاطس كويس بالشكل ده تطفى عليها
 

وانا عملت معاهم ايه بقى فضلت خيركم شوية فول بالطحينه والشطه وكام قرص طعمية متقطع فيها مكعبات صغيرة طماطم ودول طبعا شئ اساسى فى الفطار المصرى
وبيض مسلوق للى عايز وجرجير وخياروزيتون وعيش طبعا

وبعد كده عنيكوا ماتشوف الى النور هههههه علشان كله صاحى من النوم جعان

اسيبكو بقى مع الصور


بجد يا جماعة اتفضلوا ميدوا ايديكوا
 


المصدر http://forums.fatakat.com/thread2762210

طريقه عمل الميني بيتزا بالخطوات و الصور

المقادير
3 كوب دقيق - 3 معالق كبير لبن بودرة - 2 معلقة كبيرة سكر - 1 معلقة صغيرة ملح
1 معلقة كبيرة بكينج بودر  - وكيس خميرة فورية - ربع كوب زيت وممكن زياده حبة صغيرين لو احتاجت -وكوب ماء دافىء


وهنا حطينا كل المكونات الجافة مع بعض وبعدين نخلطهم كويس  
 

وبعدين حطيت المايه الدافية والزيت وعجنتها كويس اوووووووووى وسبتها تخمررررر كويس 

وهنا بعد التخمير
 

وبعدين حضرت الحشو وعبارة عن زيتون وفلفل مش كتير  وطماطم وجبنة تركى مفرومة وممكن جبنة شيدر او موتزريلا بتبقى جميلة بس انا المرة دى ماعنديش وصوص طماطم والبسطرمة

طريقة صوص الطماطم
انا مش بسبكها ولا حاجة خاااالص بعملها بطريقة بسيطة جدا جدا وبطلع ولالالالا اروع من كده
2 معلقة صلصة طماطم ومعلقة خل وشوية ملح وفلفل وشطة واخلطيهم مع بعض بس كده

وهنا شكلتها وحطيت عليها صوص الطماطم وبعدين بحط عليها جبنة تركى الاول علشان العجينة تاخد طعم الجبنه والاخر كمان بحط تانى
 

وكده خلاص جهزت علشان ندخلها الفرن  
 

وهنا كده طلعت خلاص من الفرن والجبنة ساحت بس خلى بالكم وعينكم عليها علشان مش تنشف منكم


وده القعر بتعها لازم يبقى كده علشان تبقى طرية ومش ناشفة
 
المصدر http://forums.fatakat.com/thread2764115