تابعينا عبر الايميل

Related Posts Plugin for WordPress, Blogger...

الاثنين، 11 مارس، 2013

وردات الجلاش بالكاسترد من مطبخ ايه


وردات الجلاش بالكاسترد من مطبخ ايه

المقادير :-
باكيت جلاش
سمنة بلدي سايحة في حدود نصف كوب
شيرة "شربات"
مكسرات مطحونة
كاسترد


  
تفردي ورقة واحدة من الجولاش وتغطي بقية الورق بقماشة قطن عشان مينشفش من الهوا

 
وبالفرشاة تغمسيها في السمنة السايحة وترشي كده علي ورقة الجلاش عشوائيا بحيث تشمل جميع النواحي


 
وبعدين بردوا بالفرشاة تمسحي السمنة اللي حطتيها عليها وتدهنيها كويس كلها


 
وتلفي الوورقة روول بس تسيبي اخر جزء قيمة 3 سم بالنظر كده او مش شرط تسيبي لو مش هتريحك في اللف وتلفيها زي ما هي في الصورة كده بالعرض


 
هتبقي بالشكل ده وهتيجي في اخر حته تدهنيها سمنة بحيث تلزق في بقية الوردة ومتبقاش اخر حته مفتوحة


 
.....وتدهني الصينية سمن وترصيهم فيها


 
وتدخليها الفرن وتكون سخنة جداااا وبعدين تدخلي الصينية وتهدي النار لمتوسطة او اقل شوية وتحطيه في الرف اللي تحت عشان قعرها يحمر وعشر دقايق كده او لما القعر يحمر ..تطلعيها ع الرف اللي فوق عشان الوش يحمر


 
وتكوني مجهزة شوية سوداني وجوز هند او حسب المتوفر ...وهنا طحنت شوية سوداني بالهون عشان ميتفتفتش


 
وبعدين تسقيها بالشربات "الشيرة " وبعدين تحطي ع الوش الكاسترد وتزينة بالمكسرات حسب المتوفر

الشيرة عبارة عن

2 كوب سكر
2 كوب ماء
عصير نصف ليمونة تسيبيهم ع النار وتحسبي ربع ساعه من اول ما يبدأو يغلوا وتحفظيها ف التلاجة لاننا هنستخدمه بااااارد


 
وهنا حطيتهم في العلبة وغطيتها وعلي التلاجة عدل


 المصدر

0 التعليقات :

إرسال تعليق