تابعينا عبر الايميل

Related Posts Plugin for WordPress, Blogger...

السبت، 30 مارس 2013

الروستو .. من بيرو


الروستو .. من بيرو

اول حاجة بنجيب عرق التلبيانكو
وبيكون ما بين 2.5 الى 3.5 كيلو



 وعلشان اللى هاياكلوه عبارة عن شخصين  فقسمته نصين 


وبدأت أخرمه بالسكينة كدة

 
وعلشان اوسع الخرم .. جبت المعلقة الخشب وبدأت ادخلها فى الخرم الصغنن وهى توسع لوحدها


 
وجهزت فصوص الثوم ..


 
وبدأت أحشى الروستو بيه


 
وبعدين ربطته علشان يحافظ على شكله .. وبما انى ماعنديش الخيط الخاص بالطعام فعملته بخيط عادى ومشى الحال الحمد لله :)


 
وفى ملعقة زيت زيتون أو سمن مسخنة جدا جدا على النار

أنزل فيها الروستو


 
وعلى كل جهة حوالى 5 او 6 دقائق مع رشة الفلفل الاسود والملح أثناء التقليب
وهنا لقطة افقية رأسية
افقية من جهتى رأسية من جهة الروستو ههههههههههه


 
وبعدين أحطها فى صينية بايركس وعلى الفرن تكمل سواها حوالى ساعتين (كل حسب رغبته) احنا نحبها سوا وسط ممكن تزيدى المدة لو تحبيها سوا كامل


 
وهنا بعد ما طلعت ... حد وصلته الريحة الحلوة ^_*


 
وأغطيها بورق الالومنيوم لمدة 20 دقيقة ترتاح من المجهود اللى عملته فى الفرن :D


 
وابدأ بعد كدة فى التقطيع


 
وأقدمها مع سلطة الطحينة ومقرمشات مملحة ..




 المصدر
 

0 التعليقات :

إرسال تعليق