تابعينا عبر الايميل

Related Posts Plugin for WordPress, Blogger...

الاثنين، 18 مارس، 2013

سمك بورى صيديه بورسعيدى اصلى مع ارز صيديه وسمك مقلى

 سمك بورى صيديه بورسعيدى اصلى مع ارز صيديه وسمك مقلى من زينب زياد
ده سمك بورى متنضف ومتقطع ومغسول بالملح كويس جدا
 
بحضر البصل اللى هستخدمه و ملح وفلفل وحبهان وزيت


 
فرمت البصل ناعما و خشن مش فارقه لانى كده كده هفرررررررررررررررمه فى الكبه بعد التحمير


 
حطيت زيت كويس مش قليل ولا كتير وبدأت اقلى البصله فيه


 
لحط ماتوصل للون اللى انا عاوزاه بتاع الصيديه وبسرعه احط كوبايه مايه عليها علشان متفضلش تتحمر وتسود


 
حطيت كوبايه المايه وسبتها تبرد شوية


 
عصرتها فى الكبه بالشكل ده


 
خدت نصها فى الحله اللى هعمل فيها السمك


 
زودتها مايه وحطيت ملح وفلفل وحبهان واسيبها لحد ماتغلى


 
واول ماتغلى احط السمك واسيبه يستوى


 
هنا خدت باقى خلطه البصل وحطيتها على الارز المغسول


 
وظبطت المايه عليه وحطيت ملح وفلفل بسيط وسبته يستوى


 
ولما المايه اتشربت وطيت النار وسبته على نار هاديه خالص


 
تبلت جزء من السمك علشان اعمله مقلى وبعدين عملته بالدقيق


 
قليته فى الزيت بالشكل ده


 
وده شكلها بعد القلى


 
وعملت السلطه دى سهله خالص
خس وطماطم وخيار
وحطيت عليه تتبيله الصلطه بتاعه كنور مع زيت زيتون و معلقه خل


 
ده الطبق النهائى :)


 
وده الشكل الارز الصيديه البورسعيدى :)
أصلىىىىىىىىىىىى



 صاحبه الوصفه

0 التعليقات :

إرسال تعليق