تابعينا عبر الايميل

Related Posts Plugin for WordPress, Blogger...

الأربعاء، 27 مارس، 2013

فطير مشلتت مصرى من ايه عوض


المقادير :

3 كوب شاى دقيق
ملعقة كبيرة سكر
رشة ملح

كوب وشوية مياه للعجن
 
 
احتاجت معايا كوب وربع انتى ضيفى شوية بشوية لحد ما تكون ناعمة وجميلة معاكى

 
قسمتها 8 كرات وسبتها ترتاح ساعة فى طبق مدهون زيت وغطيها

واحدة فيهم تكون اكبرهم ونسيبها للاخر عشان نحط السبعة فيها

 
اعملى خليط من السمن والزيت فى طبق مش كتير او حسب ما تحبى انا كنت عملاها خفيفة جدا وجميله حوالى ملعقتين سمنة محترمين مع شوية زيت

ادهنى الرخامة بملعقتين من الخليط وهاتى كورة وابتدى افرديها

 
كملى فرد بس بايديكى

 
كمان افرديها هتلاقيها بتتفرد بسهولة جدا

 
شدى الاطراف براحة لحد ما تتفرد خالص

 
وتلاقى الرخامه باينة تحت كده

 
اهم شى تكون شفافة كده عشان تبقى مورقة :)

 
بنطبقها بالشكل ده ونسيبها على جنب ونبتدى نفرد واحدة تانيه

فى ملحوظة عرفتها بعدين انه الافضل انك بعد ما تطبقيها تفرديها شوية انا مكنتش اعرفها انتن عملو كده

 
نفرد واحدة تانيه ونحط اللى مركونة فيها ونطبقها ونفردها شوية ونركنها وهكذا

 
كده كلهم تمام ومخدوش وقت خالص على فكرة ومتنسوش تفردوها تانى شوية وتسيبيها ترتاح نصف ساعة فى الصينيه اللى هتخبزيها فيها وغطيها برده

 
فردتها تمام فى الصينيه وبندهن الوجه ملعقة قشطة عشان يبقى تندر وجميل

 
سخنت الفرن قبلها بشوية على 200 ودخلتها الفرن وده شكلها بعد حوالى 10 دقائق منتفخة وجميله اول ما بقت ذهبى من تحت طفيت تحت وشغلت الشواية احمرها

 
ده عند التقديم مع علبة قشطة وطبق عسل كان الطعم غير


المصدر
In Love With Cooking By Aiah Awad
 

0 التعليقات :

إرسال تعليق