تابعينا عبر الايميل

Related Posts Plugin for WordPress, Blogger...

الثلاثاء، 2 أبريل، 2013

طرب الكفتة المشوية بالصور

دة طرب او ما يعرف بالمنديل طبعا بنجيبة من الجزار وهوة عبارة عن غشاء دهنى بنلف بداخلة الكفتة ويشوى على الفحم طبعا هوة بيدى طعم رائع بس طبعا دسم جداهنا نحتاج الى لحم مفروم ضانى او عادى بس انا عن نفسى بحب الضانى فى الشوى على الفحم
هنا نتبل اللحم انا طبعا كنت عاملة مشاوى مختلفة لحم وكفتة ودجاج فعملت تتبيلة عبارة عن فى وعاء الخلاط حبة واحدة طماطم +بصلتين +حبة واحدة فلفل اخضر +كام عود بقدونس وشيت +عصير ليمون +نصف كوب ماء او كوب حسب الكمية وملح وفلفل اسمر نضربهم كلهم بالخلاط ونصفيهم ناخد اماء البصل للحم والدجاج والخليط نفسة التفل يعنى للكفتة ودة شكلة نخلطة كويس



 هنا دة شكل الطرب يادوب بس نشطفة بالماء فقط هوة بيكون ابيض زى الفل ونظيف جدا مجرد شطف بالماء

 
نقطعة الى مستطيلات بالشكل دة


 
هنا انا عملت الكفتة اصابع وبعدين بضغط عليها بالشكل دة بتكون بيضاوية كدة نحطها على الطرب


 
ونلف عليها الطرب ونشيل الزيادات


 
علشان يكون شكلها مرتب بهذا الشكل


 
وهكذا لغاية ما نخلص الكمية انا هنا عملت عينة فقط لان فى ناس سالونى علية لكن كملت الباقى كفتة عادية


 
هنا طبعا انا بشوى على الفحم بحط الكفتة فى سلك الشواء بالشكل دة طبعا الطرب دة جزء منة هايسيح وهايدى طعم جميل


 
وهنا دة شكل الطرب فى نصف مرحلة الشواء ابتدا يسيح والدخان ظبطنى هههههه



 وهنا دة الشكل النهائى للطرب مباشرة

 المصدر
 

0 التعليقات :

إرسال تعليق