تابعينا عبر الايميل

Related Posts Plugin for WordPress, Blogger...

الثلاثاء، 2 أبريل، 2013

رز معمر باللحم من مطبخ منوس

رز معمر باللحم من مطبخ منوس
نحتاج الى قطع لحم مسلوقة وكمية من الرز الابيض المصرى المغسول والمنقوع وفلفل اسمر اساسى فى الوصفة وقشطة فلاحى وحليب وشوربة


 
الاول نشوح اللحم فى معلقة سمن مع فلفل اسمر




 
ودة شكلها بعد التحمير طبعا الكميات مفتوحة حسب الرغبة




 
وفى نفس الطاسة اللى شوحنا فيها اللحمة نضع الرز مع القشطة ورشة ملح وكمان فلفل اسمر زيادة ونقلبة تقليبة كدة




 
هنا بقة نجيى للتطبيق ممكن يتعمل فى قارب فرن كلة على بعض وممكن فى طواجن فردية انا هنا عملتة فردى ندهن القارب بسييييييييط جدا زبدة او سمن ونضع طبقة من الارز




 
ثم قطعة من اللحم




 
ثم طبقة تانية من الارز ونتلرك مسافة علشان الرز يستوى




 
هنا دة حليب على شوربة من اللحم المعيار حسب كمية الرز نفس معيار الرز ويكون مغلى




 
نضع الحليب والشوربة ثم معلقة قشطة على الوجة




 
هنا نحطهم على صينية فرن مبطنة بالفويل علشان لو اى حاجة وقعت الصينية تفضل نظيفة ونرص الطواجن وكمان نغطيها من فوق بالفويل وندخلها الفرن تاخد حوالى ساعة




 
ودة شكلها اول ما طلعت من الفرن توكل مع شوربة لسان عصفور وسلطة رائع جدا


 المصدر

 
 

0 التعليقات :

إرسال تعليق