تابعينا عبر الايميل

Related Posts Plugin for WordPress, Blogger...

الخميس، 16 مايو 2013

مسقعة بالخل والكسبرة من ديانا

المقادير
كيلو بتنجان رومي
نص ربطة كسبرة خضرة
فلفل رومي وفلفل حار
طماطم

 
لحمة مفرومة حسب زوقك لو بتحبيها كتير دة كان اقل من ربع مفروم بحاجة بسيطة وكان كتير وحلو
3 معالق كبار توم مفروم
وتلت كوب خل ابيض


 
اول حاجة هنقشر البتنجان ونقطعه كدا ونرش عليه ملح


 
نقطع الفلفل كبير كدا


 
نفرم الكسبرة والطماطم تتقطع صغير


 
هنقلي البتنجان ونحافظ على لونة عشان ميحمرش وينشف


 
دة شكله ولونه خلو بالكم كدا طري وحلو عشان يشرب الخل كويس


 
نقلي الفلفل حاجة بسيطة بردو


 
دة شكل الفلفل بعد القلي


 
نشوح اللحمة المفرومة في معلقة زيت لحد لونها ما يكون كدا وميتها تنشف تماما


 
احط التوم والطماطم..التوم كتير عشان هو الي هيدي طعم للاكلة



هنضيف ملح وكسبرة ناشفة فقط

 
نضيف الخل حوالي تلت كوب
ونسيبهم ياخدو غلوة والمية تبدأ تنشف


 
احط البتنجان واقلب


 
اضيف الفلفل واقلب


 
نطفي النار بعد التقليب وبعدين نحط الكسبرة الخضرة اخر حاجة ونقلب كويس


 
حطيتها في قارب بايركس وقطعت شرايح طماطم رقيقة اوي فوق الوش..هتدخل الفرن ع الشواية بس لانها سخنة تاخد وش خفيف


 
ودة شكلها بعد ما طلعت كلناها بعيش ودي بطاطس بدقة الطماطم..وخيار كتيييييييييييير عشان حامية موت
وممكن تتاكل برز بتكون احلى كتير



 صاحبه الوصفه

من