تابعينا عبر الايميل

Related Posts Plugin for WordPress, Blogger...

الاثنين، 13 مايو 2013

المصفوفة بالصور و الخطوات

مقادير الكفتة
دة ربع كيلو لحمة مفرومة..انا كمياتي قليلة عشان فردين انتو زودو 

بصلة كبيرة مفرومة ناعم
بيضة
ومعلقة بقسماط كبيرة
وتوابلي ملح وفلفل وبهارات لحمة وزعتر


 
هحتاج للصنية
بطاطساية كبيرة متقطعة شرايح ..حاولي تظبطي عدد الشرايح مع الكفتة..يعني الربع كيلو عملي 12 كفتاية عايزة 12 شريحة بطاطس وزيهم طماطم وزيهم فلفل اخضر
وهحتاج عصير طمطاطم حوالي كوب ومعاه معلقة صلصة


 
نحط الللحمة والبقسماط والبيض والبصل والتوابل ونعجن كويس جداااا


 
دة شكل عجينة الكفتة بعد العجن


 
عملت الكفتة اقراص متماسكة ودخلتها التلاجة لحد ما اخلص البطاطس


 
طاسة فيها زيت قليت البطاطس قليه عادية جدا


 
دي البطاطس بتاعتي بعد القلية


 
ابدأ اقلي الكفتة وكدا كدا هتكمل سواها في الفرن


 
دة لون الكفتة بعد القلية..ولو مستوتش من جوا اوي لسة هتدخل الفرن متقلقيش


 
أبدأ ارص البطاطس والطماطم والفلفل والكفتة كدا واكرر


 
دة شكلها بعد الرص


 
هنا زودت بصل..زوديه من الاول بس انا مكنش عندي بصل اول ما بدأت الاكله


 
ضربت طماطمتين مع معلقة صلصة ونص كوباية مية وحطيت عليها ملح وفلفل


 
نزلت العصير فوق الكفته ودخلتها الفرن


 
بتقعد في الفرن نص ساعة على درجة 180 وبشغل الشواية تاخد وش
قدمتها مع رز بالشعرية وسلطة كانت جميلة.

 

 صاحبه الوصفه
من