تابعينا عبر الايميل

Related Posts Plugin for WordPress, Blogger...

الخميس، 16 مايو 2013

مكرونة كانيلوني باللحمة المفرومة والجبنة الموتزاريلا

مكرونة كانيلوني باللحمة المفرومة والجبنة الموتزاريلا

هنحتاج تقريبا ربع كيلو لحمة مفرومة معصجة عشان نعمل صينية وطبعا ممكن تزودو الكمية
وهنحتاج كمية جبنة موتزاريلا قد اللحمة
ولازانيا على شكل اسطوانات دة شكلها والسنبلة الذهبية دي جميلة جدا


 
هحتاج كوبايتين بشاميل وطبعا طريقته معروفة
ومعلقتين صلصة كبار مدوبين في كوب ماء


 
هنجيب الصنية وندهنها زيت واحط بشاميل بحيث ابطن بيه الصينية


 
اقلب اللحمة على الجبنة كويس
انا بحب الجبنة كتير عشان لو لحمة بس هتلكم والكانيلوني هيتملى وهتبقى تقيلة اوي..الجبنة بتظبط الدنيا


 
ابدا احشي المكرونة من الناحيتين وامليها عادي لان الجبنة هتسيح وهتتظبط
انا مش بسلق المكرونة دي عشان اعرف احشيها تمام


 
برص وحدات الكانيلوني بعيد عن بعض عشان المكرونة مش مسلوقة وهتنفش ولو لزقت في بعضها هتبقى هريسة..سيبي مسافة كافيه بين كل واحدة


 
كدا خلصت رص وحدات الكانيلوني


 
بحط البشاميل الي فاضل كله فوق الوش وطبعا حاجة عليه ملح وفلفل ومظبطة ملح اللحمة
ورشة جبنة فوق بردو


 
نوزع الصلصة بشكل عشوائي فوق الوش بالمعلقة


 
ودة شكلها بعد ما طلعت من الفرن طرية وجميلة وتقدري تطلعي واحدة بواحدتها عشان بعيد عن بعض



 صاحبه الوصفه