تابعينا عبر الايميل

Related Posts Plugin for WordPress, Blogger...

الاثنين، 27 مايو، 2013

فراخ تكا مع العيش البورى بالصور و الخطوات

فراخ تكا مع العيش البورى بالصور و الخطوات
اولا نغسل الفراخ كويس جدا ونشيل منها اى دهون وجلد وتنقع فى ماء خل ليمون ملح


 

الخلطة بقى وريحتها خطيييييييييييييييييرة جدا
المكونات
راس ثوم
3 معالق صلصة
3 معالق زبادى
ربع كوب زبيب
معلقة جنزبيل فرش
معلقة كبيرة ببريكا
-------------------------
معلقة صغيرة من كل نوع
كمون / فلفل اسود / زعتر / جنزبيل بودر
ملح على حسب الرغبة
 

 
شكل الخلط بعد الخلط فى الخلاط والله الريحة جناااااااااااااااااان


 
نصفى الفراخ كويس من الماء ونعمل فيها شقوق بالسكينة


 
ونخلط الفراخ


 
نغطيها كويس جدا عشان الريحة وتدخل الثلاجة من بالليل لى تانى يوم

\
 
شكل الفراخ بعد 12 ساعة تقريبا


 
هنا بقى وده المهم عشان الفرن متوسخش منك خالص
نغلف الصاج بالفويل ونحط عليه الشبكة


 
ونرص الفراخ على الشبكة وتدخل الفرن على درجة حرارة 250 لمدة ساعة ونصف او على حسب حجم الفرخة


 
بعد ساعة من دخول الفراخ الفرن نفتح عليها وندهن الفراخ زبدة


 
شكل الفراخ بعد ما استوت


 
فى طبق التقديم بعمل ورق فويل ومعه حتة سمنة بلدى


 
ارص الفراخ بشكل ده



ها شمييييييييييييييييييييين الريحة ديه فحمة على السمنة

 
ونقفل عليها كويس لحد ما تاخد ريحة الشوى



واااااااااااااااااااااااااااااااااااااااو الريحة


 
مقدار العيش البورى
لعمل 5 ارغف
كوب ونصف دقيق رشة ملح نصف معلقة صغيرة بيكنج بودر وماء دافى للعجن


 
يقسم الى 5 ارغف


 
نرش عليه دقيق ويترك لمدة 10 دقائق عشان يتفرد بسهولة



 
بشكل ده ارتفع الرغيف 1 ونصف سم تقريبا


 
زيت غازير وسخن جدا جدا



 
ناخد من الزيت بالكبشة على وش الرغيف عشان يتحمر ويستوى ويقب معكى


 
ماشاء الله


 
ها ايه رايكم لازم تجربه مرة


 
تومية وسلطة خضار بالميونيز
السلطة عبارة عن
بطاطس مكعبات
جزر بسلة مسلوقين عليهم كوب مايونيز ملح فلفل
التومية كوب مايونيز +راس ثوم مفروم خل ملح فلفل



 يقدم مع ارز


 بالهنا و الشفا\

 الوصفه من
رشا موسى‎.