تابعينا عبر الايميل

Related Posts Plugin for WordPress, Blogger...

الخميس، 16 مايو 2013

أرز برام ( ارز معمر ) بالطريقة الصح من مطبخ شاهي

عاوزة تعملى الارز البرام او المعمر الحادق صح يبقى اعملى زى ما هقولك و هتاكلى احلى ارز بجد و تحدى و هتجربى و تشوفى
2 كوب ارز
2 كوب حليب دافىء
نصف كوب كريمة طهى
2ملعقة كبيرة مليانة سمنة و يا سلام لو سمنة بلدى
و لكل كوب رز ملعقة صغيرة ممسوحة ملح


 
ننقع الارز فى الحليب و الكريمة على الاقل خالص ساعة و كل ما اتنقع اكتر كان احلى و احلى انا نقعتة ساعتين

بأكد تانى الحليب يكون دافىء و مش سخن


 
اهم خطوة بقى عشان ناس كتير بتشتكى ان الارز بيلصق فى البرام

عشان الارز ميلصقش يبقى سخنى البرام و هو فاضى الاول فى فرن سخن لمدة 5 دقايق كدا و تطلعى البرام و تدهنية زيت او سمنة والافضل سمنة بس مش كتير بسيط كدا بالفرشة على الجوانب و كل البرام يكون مدهون سمنة كويس جداا و بعدين تحطى الارز و تدخلية الفرن من غير ما يتغطى و لازم الفرن يكون ساااااااااااااااخن جداا و فى الاول درجة الحرارة تكون عاليا و اول ما يتشرب السوائل تهدى النار الى المتوسط لحد ما الرز يستوى تماااام



 شايفيين اللون حلو ازاى و متحمر

 
و مفلفل كمان ازاى و مش معجن

جربوه على ضمانتى


 الوصفه من