تابعينا عبر الايميل

Related Posts Plugin for WordPress, Blogger...

الجمعة، 17 مايو، 2013

باستا صوص (صوص الطماطم للمكرونة)


صوص الطماطم الصح له اولويات فى العمل و خطوات و وقت محدد عشان يطلع معاكى احلى صوص طماطم و تاكلى احلى باستا زى المطاعم و احلى كمان اتبعى معايا

المكونات تكفى طبقين مكرونة

2 طماطم وسط تكون مستوية
3 فصوص ثوم وسط مفرومين ناعم
ملعقة صغيرة اورجانو
نصف ملعقة صغيرة ريحان مجفف او بودر
ربع ملعقة صغيرة بابريكا
شطة حسب الذوق
ملعقة صغيرة صويا صوص
ملعقة كبيرة صلصة
2 ملعقة كبيرة كاتشب
كيس مرقة فورية
نصف كوب ماء
زيت زيتون فاخر
ملح وفلفل اسود
ورقة لورى
 
نشوح الثوم فى ملعقتين كبار زيت زيتون لازم زيت زيتون لان هو السر فى الطعم المميز
لان الباستا و صوص الطماطم دا تخصص الايطالين و الايطاليين اغلب اكلهم بزيت زيتون او زبدة او مزيج بين الاتنين بس مستحيل يكون فى اكل ايطالى مفهوش زيت زيتون




 
لحدا ما ياخد الون الحلو دا و رئحة التوم الجميل تطلع




 
ثم نضيف الطماطم و تكون مبشورة ناعم مش معصورة و مش متصفية و نضيف معاها نصف كوب الماء




 
بعد ما يغلى الطماطم مع الماء نضيف باقى المكونات كلها و نقلب جيداااااا و نهدى النار و نتركها نصف ساعة بالظبط مش اقل من كدا الصوص الصح لازم يقعد مش اقل من نص ساعة

صوص البيتزا كمان قريب من دا جداا مع اختلاف بسيط فى مقدار المكونات و ان شاء الله اعملوهلكم قريب




 
و دا شكل الصوص بعد مرور نصف ساعة هو دا شكل الصوص الصح




 
شايفين الصوص حلو ازاى ما شاء الله و المكرونة مليانة صوص اممممم




 الوصفه من