شرائح الدجاج والبطاطس بالصويا صوص
بقطع البانية اصابع بالشكل دة.
انا كمياتي صغير عشان يدوب انا وجوزي بس وهو مبياكلش اكل بايت..زودو انتو الكميات بقى
هحتاج بطاطستين مقطعين اصابع بردو
بصلتين مقطعين جوانح
فلفلة رومي مقطعهة
وهحتاج معلقة صلصة وتقريبا ربع كوب صويا صوص بس نسيت اصورهم
بهاراتي الي هستعملها
ملح
فلفل
زعتر
روزماري
بهارات دجاج
بحط معلقتين زيت في طاسة واسعة وابدأ اشوح قطع الفراخ
لما الفراخ لونها يبقى ابيض كدا انزل بالبطاطس والبصل والفلفل
احط التوابل ومعلقة الصلصة والصويا صوص..ومكترتش ملح عشان الصويا صوص حادقة
بعد ما الفراخ والبطاطس يستوو بحطهم في صنيه وادخلها الفرن تاخد وش بس وتنشف حاجة بسيطة
ودة شكلها قدمتها مع الكانيلوني وسلطة يوناني
من
ستات بيوت قدها وقدود
