تابعينا عبر الايميل

Related Posts Plugin for WordPress, Blogger...

السبت، 11 مايو 2013

كريب بالموز والكراميل بالصور و الخطوات

مقادير الكريب
كوب وثلاثة ارباح حليب
كوب وثلاثة ارباع دقيق
2 بيضة
رشة فانيليا
وينضرب في الخلاط كويس جدا
انا عملت نص الكمية وعملتلي 8 وحدات كريب


 
حشوة الموز
3 موزات
معلقة زبدة كبيرة
رشة قرفة


 
مقادير الكراميل
كوب سكر
ربع كوب ماء
علبة كريمة او قشطة وممكن نص كوب حليب
والطريقة دي اخدتها وبجد اول مرة الكراميل
يظبط معايا.


 
اولا الكراميل
بحط السكر والمية على النار


 
افضل اقلب لحد ما المية تنشف


 
كدا المية نشفت والسكر اتحجر متقلقيش سيبيه لحد ما يسيح ويبقى كراميل واستمري في التقليب


 
السكر ساح وبقى لونه كدا..بشيل الطاسة من ع النار واحط الكريمة او القشطة هتسمعي صوت عالي متتخضيش بردو قلبي كويس وبسرعة


 
كدا لكريمة دابت تماما ..برجع الطاسة ع النار تاني واقلب كويس واطفي عليه


 
هنا حطيته في طبق لحين الاستخدام ..وبيتحط في التلاجة وكل ما استعمله احط الطبق في الميكروويف يرجع سايح وقوامه زي الاول


 
ثانيا الكريب
بحط طاسة وفيها معلقة زيت بسيطة


 
بصب الكريب حاجة بسيطة والف الطاسة كدا عشان الخليط يغطيها


 
بقلبها ع الوش التاني بسهولة جدا..انا بحب اللون دة ممكن تخليه اغمق شوية انتي واللي تحبيه


 
برصهم فوق بعض على طبق عشان يفضلو طريين وحلوين


 
ثالثا الموز
نقطعة بالشكل دة


 
احط معلقة الزبدة ع النار وارص الموز كدا جمب بعضه


 
رشة قرفة فوق الموز واقلبه ع الناحية التانية


 
دة شكل الموز كله


 
بفرد الكرباية واحط عليها معلقة صوص كراميل


 
ارص الموز كدا وابدا الف رول


 
ودة شكله بعد ما لفيته..انا حطيته في القارب دة عشان اعرف اسخنه قبل الاكل في الميكروويف


 
بيترش فوق الوش من صوص الكراميل ويتقدم..جميل جدا وطري ومش مسكر اوي لاني محطيتش سكر ع الموز..سكر الكراميل كفاية


 صاحبه الوصفه 

من

0 التعليقات :

إرسال تعليق