تابعينا عبر الايميل

Related Posts Plugin for WordPress, Blogger...

الاثنين، 23 سبتمبر، 2013

فطيرة الجلاش بالصور و الخطوات من مطبخ شطره و لهلوبه

 فطيرة الجلاش بالصور و الخطوات من مطبخ شطره و لهلوبه
فطيرة الجلاش بالسوسيس بسم الله نبدأ لعمل فطيرة واحدة كبيرة هنحتاج طاسة كبيرة خمس ورقات جلاش كبار جبنة موتزاريلا و شيدر او ااى نوع موجود عندك فلفل اخضر و الوان طماطم زيتون مشروم مقطعين صغير و ممكن لفوق الوش طماطم و فلفل حلقات سوسيس او بسطرمة او سدق اللى تحبييه




بيضة نص كوب لبن ربع كوب زيت االطريقة هتدهنى الطاسة زيت و تحطى ورقة جلاش بيحيث يبقى نصها جوة الطاسة و النص التانى برة الطاسة و تلفى الطاسة ٩٠ درجة و تحطى الورقة التانية و هكذا هيبقى عندك جوة الطاسة اربع طبقات و برة الطاسة اربع ورقات بينهم ٩٠ درجة ...

3

فطيرة الجلاش بالصور و الخطوات
هتضربى البيضة كويس جدا مع اللبن و الزيت و رشة فلفل بسيييطة الورقة الخامسة هتقسميها نصين هتدهنى بفرشاه طبقة الجلاش الرابعة و تحطى نص الورقة الخامسة


و فوقيها نص مقدار البيض و اللبن و تحطى ما لذ و طاب من طماطم زيتون فلفل و سوسيس او بسطرمة زى ما قلتلكم قبل كدة انا بحب اشوح السوسيس او السدق على النار اسوييه قبل ما استخدمه



المهم فوقيهم هتحطى نص الجلاشة الخامسة و شوية من البيض و اللبن و تبدائى تقفلى بورق الجلاش اللى برة الطاسة و بين كل ورقة ادهنى بسيط من الخلييط و فوق الوش حطى ما تبقى من الخليط .....



سيبيبها ترتاح عشر دقايق ثم على نار متوسطة سيبيها تستوى و تحمر من تحت طبعا هتحركيها كل شوية و بشوكة ارفعى الطرف و اول ما لونها بغمق اقلبيها 

  
و طبعا الافضل تكونى مغطية عليها و بعد ما تقلبيها هتحطى فوق الوش قليل من الطماطم و الفلفل (الحشو اللى انت عملااه) و شوية موتزاريلا و غطى عليها و سيبى الجبنة تسييح و القعر يستوى و عشر دقايق و هتكون جاهزة



بالهنا و الشفا





 فطيرة الجلاش بالصور و الخطوات الوصفه من مطبخ شطرة و لهلوبة

0 التعليقات :

إرسال تعليق