تابعينا عبر الايميل

Related Posts Plugin for WordPress, Blogger...

الأربعاء، 23 أكتوبر، 2013

مربى التين البرشومى من مطبخ ايه بالصور و الخطوات

مقادير المربي مربى التين البرشومى من مطبخ ايه :-
مربيمقدار من التين البرشومي " كيلو او اكتر "
سكر حبيبات
3 او 4 حبات ليمون
2 حبه قرنفل
رشة قرفة
 
الطريقة :-هنغسل التين كويس بالماية وبعدين لما يتصفي من مايته نقطعه قطع ونجهز السكر " المعيار بتاعنا ان الكيلو فاكهة عليه كيلو الا ربع سكر حبيبات
حضر الحلة الي هتاخد عدد الكيلوهات اللي هعملها واحط شوية تين مقطع وعليهم مقدار سكر وبعدين احط تين تاني وبردوا عليه مقدار من السكر وهكذا لحد ما تخلص الكمية
...
واحطها في التلاجة لتاني يوم او بعد 12 ساعة كدا هلاقي السكر اغلبه داب مع التين وعمل ماية زي اللي في الصورة كداانا مش بحب المربي قطع فلما بطلعها من التلاجة بضربها في الخلاط وبيبقي ضربها سهل جدا لانها بتبقي فيها مايتها زي ما باين ف الصورة لكن لو هتحبيها قطع مش هتضربيها ف الخلاط وهتكملي بقية الخطوات عادي
 

ارفعها ع نار هااااادية خالص عشان متتحرقش واسيبها شوية وهلايها عملت رغوة زي اللي في الصورة ...هنا كانت لسه في البداية بعد كدا بتعمل رغوة اكبرررر

هفضل سيباها ع النار مع التقليب المستمر من وقت للتاني عشان متتشعفش
والمرحلة دي زي مرحلة تسبيك الطماطم بس هنا بفرق الوقت لان المربي بتاخد وقت اكتر طبعا في الاول هتلاحظي الرغوة بتزيد ومع التقليب هتبتدي المربي قوامها يتقل والرغوة تقل تدريجيا لحد ما تختفي والصور هتوضح اكتر
للاسف نسيت اصور خطوة لما كانت الرغوة موجودة بشكل كبير ع الوش


 هنا المربي واضح عليها جدا انها اتسبكت كويس الرغوة تكاد تكون اختفت والمربي بقي قوامها اتقل و لونها بقي اغمق نظرا لعملية التسبيك :))
لما الاقيها اتسبكت بالشكل دا بحط عصير ال 3 او 4 ليمونات ورشة القرفة وحوالي 2 حبة قرنفل وطبعا مع التقليب طول ما هي موجودة ع النار


وهنا شكلها لما استوت تماااااما ...تعقمي البرطمانات ع النار وتستني لحد ما تبرد و تقومي بتعبئة البرطمانات وبالهنا والشفا
ومعلومة بسيطة خاصة بالمربات المصنوعه في البيت
لو حصل ولاقيتي السكر عمل حبيبات بعد ما عبتيها في البرطمانات متقلقيش خااااااالص فضيها ف حلة وع نار هادية خليها تتسبك وحطيلها لييمون لان السبب ف الغاااااالب بيبقي من قلة مقدار الليمون او عدم التسبيك كويس

بس متقلقوش مقدار الليمون في الوصفة مظبوط جداااا باذن الله وان شاء الله تجربوها وتعجبكم


 الوصفه منAya’s Kitchen "مــطـــبخ آيـــــــة "

0 التعليقات :

إرسال تعليق