تابعينا عبر الايميل

Related Posts Plugin for WordPress, Blogger...

الأحد، 17 نوفمبر، 2013

ترافل جوز الهند او كرات جوز الهند بالصور و الخطوات

ترافل جوز الهند او كرات جوز الهند
واللى بالشيكولاتة انا بسميها شيكولاتة جيرسى لانها بتديكى نفس طعمها
لما اكلتها افتكرت ايام زماااان انا صراحة مش عارفة هى لسة موجودة ولا لا
المهم ندخل فى الموضوع والمقادير
الوصفة دى سهلة جدا جدا جدا ولو هتسيبيها من غير الشيكولاتة يبقى هتعملى اسرع وصفة ممكن تعمليها
هى ممكن تكون مكوناتها غالية شوية فى بعض البلدان لكن نتيجيتها تشرفك قدام ضيوفك انا رغيت كتير النهاردة سامحونى الحق بقى اكتب الوصفة قبل الاولاد ما يجو من المدرسة

المقادير
كوب ونصف جوز هند مبشور
ثلث كوب لبن مكثف محلى
شيكولاتة خام للتغطية ( اختيارى )
ملحوظة مل ما كان نوع الشكولاتة نضيف وماركة معروفة كل ما كان اداكى طعم احلى

الطريقة
نخلط جوز الهند مع الحليب المكثف المحلى سويا


 ثم نكورهم الى كور صغيرة


 وهنا يا اما تضعيه فى مبشور جوز الهند وتقدم فى الحال





  او فى الشيكولاتة المذابة على حمام ماء مغلى بدون اى اضافات ثم تترك فى الثلاجة او الفريزر لحين تجمد الشيكولاتة



وتقدم بالهنا والشفاالموضوع من yamy's kitchen 
 

0 التعليقات :

إرسال تعليق