تابعينا عبر الايميل

Related Posts Plugin for WordPress, Blogger...

الأربعاء، 13 نوفمبر 2013

الرقاق الطرى بالكبدة من مــطـــبخ آيـــــــة بالصور و الخطوات

الرقاق الطرى بالكبدة من مــطـــبخ آيـــــــة 
المقادير

رقاق طري جاهز
نصف كيلو كبدة فراخ
2 او 3 حبات بصل متوسطين
فلفل اخضر او احمر
حوالي 5 او 7 فصوص توم



اول حاجة في طاسة هتقطعي البصل مكعبات صغيرة "متوسطة " مع شوية زيت وتحطيهم ع النار



ويدوب البصل يدبل بسيط تنزلي بالتوم المقطع صغير


واقلبه دقيقة كدا واحط الفلفل واكون مقطعاه طبعا بالشكل دا


واقلبه دقيقتين كدا وبعدين انزل بمكعبات الكبدة اقلبها واغطي عليها واخلي النار هاااادية واقلبها من وقت للتاني


الكبدة مش بتاخد وقت ياعني بالكتير ربع ساعه ولما الاقيها قربت تستوي احط الملح ورشة كمون وفلفل اسود ...وهنا جهزت وبقت تمام
بجيب صينية وادهنها بالسمن "الزبدة " وحطيت اول ورقة من الرقاق ودهنتها بالسمنة واحط طبقة تانيه وهكذا حطيت لنصف الصينية اللي تحت 3 ورقات من الرقاق مدهونيني بالسمنةط


وبعدين حطيت الكبدة اللي شوحناها قبل كدا


  وحطيت فوقيها 3 ورقات من الرقاق تاني بنفس الطريقة وبعدين قطعته بالسكينة ودهنته بالسمن ودخلته الفرن علي الارضية علي نار متوسطة وبعدين لما لاقيت الجوانب بدات تاخد اللون الاشقر رفعته فوق علي الرف عشان يحمر الوش


  وهنا لما طلع بكون مجهزة كوب لبن وبيضة وبسقيه اول ما يطلع وبعدين بدخله الفرن عشان الخليط يمسك فيه ويشربه ويبي طري بيقعد تقريبا 5 دقايق


  وهنا نفس طريقة الكبدة بس حطيت عليها كزبرة وخضرة وزيتون مخلل


  وقسمت ورقة الرقاق الي 4 ارباع وحطيت في كل ربع مقدار من الحشو


  ولفتها بالشكل دا

  
وتتستوي بنفس الطريقة


 وبالهنا والشفا


الوصفه من Aya’s Kitchen "مــطـــبخ آيـــــــة "

0 التعليقات :

إرسال تعليق