تابعينا عبر الايميل

Related Posts Plugin for WordPress, Blogger...

الأربعاء، 13 نوفمبر، 2013

من مطبخ ايه طريقه عمل الكرشه بالخطوات المصوره


من مطبخ ايه طريقه عمل الكرشه بالخطوات المصوره
هنا الكرشة اول ما جبتها ...بقفل الحوض وميكونش فيه ماية واكون حاطة ماية تغلي علي النار واول ما تغلي كووويس انزل بيها بسرعه علي الكرشة بشكل توزيعى ويكون جنبك سكينة كبيرة ووواحدة صغيرة وتبتدي تحكي بالسكينة الكبيرة وهي لسه سخنة علي القشرة الغامقة اللي علي الكرشة ....وكل شوية تشيلي الطبقة اللي شيلتيها من الحوض في كيس يكون جنبك



هنا كنا ماسكنها قصاد بعض وكنت نضفتها كويس لو لوحدك يبقي حتة حته وهي لسه سخنة وتشيلي الطبقة اللي فوق بالشكل دا
انا هنا كنت نضفتها وبعيد عليها عشان كده استخدمت السكينة الصغيرة عشان اسهل بالنسبة لو في حاجة بسيطة باقية لحد مايبقاش فيها اي حاجة من القشرة الخارجية



 وبعدين بنضف الحوض كويس اووىو بشطفها عادي وانقعا بالشكل دا في ملح حوالي 3 ملاعق كباار وشوية خل وادعكها بايدي كاني بفركها كدا واسيبيها ربع ساعة كدا
وبعدين بشطفها واقطعها "ازاي " بتلفي كل حنة كرشة علي هيئة رول سريع كدا وتقطعي الرول لعدة قطع ولما تخلصي كل رول تاخدي كل حتة قطعتيها لقطع اضغر بس مش صغيرة اوى لان حجمها بيصغر بعد السوا ويقل


  وهنا قطعتها وشطفتها وبقت تمااااااام وشكلها ماشاء الله .....بس هنا كنت حطتيها في التلاجة لحد ما تصفي لاني كنت هفرزها

  
وهنا جهزت حوالي 7 فصوص توم كبار مدوقوقين وشوية زيت واحمرهم


 بالشكل دا وعلي طول انزل بالكرشة


  زي كدا


 واهدي النار خاااااالص واقلبها واغطي عليها ومن وقت للتاني اقلبها

  
وهنا نزلت مايتها لوحدها


 وفي الوقت اللي حطتيه فيها علي النار بجهز
1 حبة طماطم مبشورة
1 حبة بصلة مقطعه مكعبات
حبهان وورق لورا ورشة فلفل اسود ...ومفيش ملح دلوقت تحطيه

  

وتحطيهم علي الكرشة ةتقلبي من وقت للتاني ع نفس النار الهادية ومتنسيش تغطيها


 وهنا لونها بيتغير ولسه بتنزل مايتها


  وريحتها بتبقي راااااااااائعه


وتفضلي تقلبي لحد ما تستوي بس لو لاقيتي مايتها نشفت تزودديها ماية وتخلي بالك ...ولما تقرب تستوي تضبفي الملح

ممكن تقدميها كدا بتبقي رووووووووعه وريحتها خطيرة

 وومكن تعمليها بالصلصة والحمص
تحطي بصلة مكعبات صغيرة في حلة مع شوية زيت

  
وتقلبيها واول ماتبدأ تاخد لون تنزلي بتوم مفروم بالكل دا وتهدي النار عشان متتحرقش منك


  لحد ما لون البصل ياخد اللون الدهبي والتوم معاه طبعا


  وتنزلي بالطماطم والشوربة "لحمة " او ماية لو مش عندك


  وتظبطي الملح وتنزلي ابلكرشة والحمص المسلوق وتاخد غلوة وتتسبك وتطفي عليها وتقدميها


  وبالهنا والشفا هتعجبكم جدااا ان شاء الله

 من مطبخAya’s Kitchen "مــطـــبخ آيـــــــة "

0 التعليقات :

إرسال تعليق