تابعينا عبر الايميل

Related Posts Plugin for WordPress, Blogger...

الثلاثاء، 5 نوفمبر، 2013

ارز مصري بكبدةالفراخ والخضار بالصور و الخطوات

ارز مصري بكبدةالفراخ والخضار بالصور و الخطوات
..سهل اوى وسريع وفي نفس الوقت بتجمعي كذا صنف في طبق واحد وهنا قدمت معاه كبد فراخ بردوا بس بانية
كبد وقلوب فراخ مغسولة كويس ومقطعه مكعبات ...القلوب لازم تتفتح وتتغسل من جوه عشان تكتلات الدم اللي فيها
بصلة كبيرة مكعبات
ا حبة طماطم مكعبات "يمكن الاستغناء عنها "
حوالي كوب من الجزر والبسلة مجمدين او نصف سوا
1 حبة بطاطس مكعبات
مقدار من الارز حسب العدد
زيت
بهارات

ف حلة ع النار هحط البصل وعليه شوية زيت

  
واقلب يدوب تدبل


انزل بالكبدة بالشكل دا

  وعليها البهارات ..ورق لورا وحبهان وكمون وفلفل اسود وملح


 واقلب دقايق لحد ما لونها يتغير ويبقي بالشكل دا


 وبعدين انزل بالخضار ...الطماطم زي ماقولتلكم ممكن تستغنى عنها زي ما تحبي هي مش بتغير لون الارز مش بيبقي ابيض زي المتعارف بتديلة لون وردي كدا ع خفيف وهيبان في صورته ف اخر الصور


  واقلبهم ع النار 7 او 10 دقايق كدا


 وبعدين انزل بالارز المغسول


 واقلبه بالشكل دا


 واسقيه بالشوربة واسوية زي طريقة الارز المعتاد


 وبالهنا والشفا

0 التعليقات :

إرسال تعليق