تابعينا عبر الايميل

Related Posts Plugin for WordPress, Blogger...

الأربعاء، 13 نوفمبر، 2013

الفته المصري بطريقه مختلفه من مطبخ بيرو

الفته المصري بطريقه مختلفه من مطبخ بيرو
بداية لكى حرية الاختيار فى تسوية اللحم
عن نفسى بشويها فى الفرن فى الكيس الحرارى
اضع قطع اللحم مع بصلة جوليان وملح وفلفل اسود وملعقة صوص شطة وبهارات لحم أو أى بهارات تحبيها
واقلبهم كويس



احطهم فى الكيس الحرارى واغلق الكيس بالسلك الخاص بيه وبالسكينة اعمل 4 فتحات علشان البخار الزيادة
 

 وعلى الفرن
واللحم فى الفرن بانتهز الفرصة وادخل العيش علشان يتحمص كمان



 بجهز الرز الأبيض
ملعقتين سمن أو زيت مع زبدة فى حلة على النار
وانزل بالرز المغسول واقلبه لمدة خمس دقايق تقريبا وبعدين انزل بالماء أو الشوربة السخنة ولما يتشرب الشوربة اهدى النار واخليه يستوى على مهله



 مقادير الصلصة
ملعقة كبيرة صلصة طماطم
ملعقة صغيرة صوص شطة
ثوم مفروم
ربع كوب خل ابيض



  فى ملعقة سمن مع شوية زيت فى طاسة على النار هابدأ احمر الثوم المفروم


  أول ما الاقيه اخد اللون الذهبى الفاتح كدة


 انزل بالصلصة والشطة واقلب


 وبعدين الخل مع رشة ملح بسيطة
ممكن اضيف ملعقتين ماء اذا كانت الصلصة تقيلة
وتغلى غلوة واحدة وبعدين انزلها من على النار



 وهنا اللحم استوى واتحمر


 ابدأ اجهز طبق الفتة
اكسر العيش المحمص فى طبق التقديم


وأضيف عليه مغرفة واحدة شوربة ساخنة
علشان يلين شوية بس يكون واخد طعم التحميص فى الفرن



وعليه معلقتين من صوص الخل والثوم

  
وبعدين الرز وأساويه كويس


  ومرة كمان صوص الخل والثوم

  
وممكن الصوص يتعمل بدون الصلصة يعنى الثوم يتحمر وننزل بالخل على طول بدون صلصة طماطم

  
وأخيراً اللحم المحمر


ولزيادة النكهة
رشة صوص خل وثوم على اللحم
وتقدم بألف هنا


 من وصفات بيرو مع بيرو أحلى

0 التعليقات :

إرسال تعليق