العنوان 1

ضع نص هنا

العنوان 2

ضع نص هنا

العنوان 3

ضع نص هنا

العنوان 4

ضع نص هنا

العنوان 5

ضع نص هنا

تابعينا عبر الايميل

Related Posts Plugin for WordPress, Blogger...

الخميس، 28 فبراير، 2013

كوسة بالزبادى واللحم المفروم


المقادير :

1كيلو كوسة
1/3 كيلو لحم مفروم
تقطع الكوسة أرباع بالطول ثم تقطع إلى قطع طولها 4 سم.
500 جم زبادي
1 بصلة، متوسطة مفرومة ناعم
1/3 كوب بقدونس، مفروم
4 فصوص ثوم، مفروم
1-2ملعقة صغيرة نعناع،جاف ومطحون
صنوبر
1/2 كوب زيت
ملح وفلفل
لطريقة :

نعصج اللحمة :
تسخن ملعقتان زيت فى إناء على نار متوسطة.
تضاف بصلة وتقلب حتى تصفر. يضاف اللحم المفروم والملح والفلفل ويقلب لمدة دقيقتان.
تخفض النار ويغطى الإناء ويترك لمدة 10 دقائق حتى ينضج.
فى هذه الأثناء تسخن 3 ملاعق زيت على نار متوسطة.
يضاف الثوم وقطع الكوسة وتقلب لمدة 3 دقائق.
 تنقل الكوسة إلى إناء زجاجي 



يضاف اللحم المفروم فوق الكوسة.




 تدخل الصينية الفرن لمدة 10- 15 دقيقة ثم تخرج وتترك لتبرد.
يزال أى ماء زائد خرج من الكوسة أثناء الطهى.
في هذه الأثناء يخلط الزبادي والنعناع والملح والفلفل. يحمر الصنوبر في ملعقتان زيت حتى يصبح لونه ذهبي.


  
 يسكب الزبادي فوق اللحم المفروم بعد أن يبرد الطبق. ينثر البقدونس والصنوبر المحمر على السطح. يقدم


فطيرة القرفة والزبيب

فطيرة سهلة بعجينة طرية بحشو الزبيب والقرفة والسكر بالهنا
 مقادير العجينة
2كوب دقيق +معلفة كبيرة خميرة فورية +معلقة صغيرة ملح + معلقة صغيرة سكر +ربع كوب حليب مجفف بودرة +ربع كوب زبادى او لبن رايب +3معلقة كبيرة زيت + نصف كوب حليب دافئ للعجن
الطريقة
كل المقادير الجافة على بعض ثم الزيت ثم الزبادى ويعجن بالحليب الدافئ ولو احتاجت رشة دقيق لتضبيط العجينة مفيش مشكلة نغطيها ونسيبها تخمر
دة شكلها بعد ما خمرت

 
هنا انا اخذت جزء من العجينة وفردتة مستطيل كبير رقيق ورشيت سكر عادى وقرفة ناعمة وزبيب وطبقت العجينة من الجانبين وطغت عليها تانى فردة خفيفة كدة بالنشابة تانى وندهن صينية زيت قليل ونضع الفطيرة وندهنها بحليب ونرش رشة سكر على الوجة وتترك خمس دقائق كدة تخمر وندخلها فرن حار حوالى ربع ساعة


 
ودة شكلها بعد ما استوت


 
نقطعها الى مربعات وهنا انا حبيت اوريكم شكلها من جوة السكر سايح مع القرفة والزبيب رائع بجد


 
وتقدم بالهنا وممكن تؤكل ساخنة وممكن عادى


المصدر

خطوات عمل الجبنه المش في المنزل

هنحتاج الى حليب و2 معلقة كبيرة عسل اسود ونصف كوب ملح وكوب حليب رائب وشطة حمراء مفرومة وبودرة وحبة واحدة فلفل اخضر وقطعة صغيرة قشر برتقال ومورتة (عبارة عن خلاصة تسييح الزبدة )
يمكن تستغلربوا شوية المكونات بس المصرين هما اللى هايعرفوا قصدى

 
اصلا اساس المش المصرى حليب ومورتة وجبنة قريش بس انا للامانة ملقتش جبنة قريش فعملتة بجبنة اسطنبولى دة شكل الجبنة نحطها فى علبة بلاستيك كبيرة او برطمان زجاجى افضل الكميات مفتوحة مفيش عيار ثابت


 
وجميع المكونات اللى فى الاول نضربهم فى الخلاط كلهم ماعدا الشطة ونصفيهم ونضيف لهم الشطة وبعدين نضيفهم على الجبنة وندوق الخليط لو احتاج ملح نزود ونقفل العلبة كويس ونحطها فى التلاجة حوالى من اسبوعين الى 3 اسابيع علشان الجبنة تاخد طعم المش كويس


 
دة شكل المورتة من قريب كنت بسيح زبدة فقلت اعرفكم شكلها وهى بتكون فى قاع الاناء (الحلة ) كل ما تسيحى زبدة تحمرى المورتة شوية علشان لونها يغمق وتحطيها للمش


 
ودة شكل الجبنة جميلة جدا ونظيفة ومضمونة والمش المتبقى نحتفظ فية كل ما تخلص الجبنة نرجع نحط جبنة تانى وهكذا وكل ما نسيح زبدة نضيف المورتة تانى


 المصدر

ابل باى (فطيرة التفاح )

فطيرات صغيرة بالتفاح مشهورة فى المطاعم بس هى بتتعمل مقلية انا هنا  فى الفرن علشان تكون اخف يارب تعجبكم بالهنا
 مقادير العجينة
2كوب دقيق +معلفة كبيرة خميرة فورية +معلقة صغيرة ملح + معلقة صغيرة سكر +ربع كوب حليب مجفف بودرة +ربع كوب زبادى او لبن رايب +معلقة كبيرة زبدة مبردة + نصف كوب حليب دافئ للعجن
الطريقة
كل المقادير الجافة على بعض

 
ثم نفرك الزبدة فى الخليط بهذا الشكل ثم الزبادى او الرايب ثم نكمل عجن بالحليب الدافئ ولو احتاجت رشة دقيق تانى مفيش مشكلة


 
دة شكلها بعد العجن تغطى وتترك تخمر


 
وهنا بعد ما خمرت


 
هنا انا قطعت مقدار من التفاح مكعبات وطبعا مقشر وحطيتة مع معلقة زبدة وسكر ابيض او بنى حسب الرغبة والكمية حسب الرغبة فى التحلية وقرفة ونحطهم على النار شوية


 
ودة شكلة بعد التسوية


 
هنا نفرد العجينة الى مستطيل كبير ونقطعها الى مستطيلات صغيرة بهذا الحجم ونضع معلقة كبيرة من الحشو


 
ثم نضع قطعة اخرى من العجين فوقها ونضغط على الاطراف ونقصها بالعجلة


 
ونضعها على صينية فرن مدهونة بسيط جدا ونعمل فيها تشريح بالسكينة وندهنها بخليط البيض مع الحليب وانا بحب احط نسكافية على الخليط مع فانيليا علشان ريحة البيض ونتركها تخمر تانى ونضعها فى الفرن


 
ودة شكلها بعد ما استوت حلوة جدا وبالف هنا ممكن تقدم بالشكل دة وممكن ترش بالسكر البودرة


 المصدر

ورقة لحمة بطريقة سهلة وجميلة جدا

ورقة لحمة بطريقة سهلة وجميلة جدا
 هنا دى شرائح من اللحم من اى مكان تحبوة حسب الرغبة دى من منطقة السن
نتبلها بملح وفلفل


 فى طاسة او صينية نضع معلقة زيت او سمن ونشوح اللحم على نار عالية

 
ولما نخلص الكمية نحطها تانى فى الصينية نفسها اللى شوحنا فيها اللحم ونضع عليها خلطة عبارة عن (بصلتين كبار مقطعين نضعهم فى الخلاط مع عصير ليمونة وكوب ماء ونضربهم فى الخلاط ) ونصبهم على اللحم ونتركة يستوى كويس انا بحب اسويها قبل ما ادخلها الفرن مع البطاطس كدة اضمن وطعم احلى كتيييييييير\


 
ودة شكلها بعد ما استوت


 
هنا انا قطعت بطاطس حلقات مع بصلة شرائح مدعوكة بملح وفلفل مع حبة واحدة طماطم مكعبات صغيرة وفلفل اخضر مكعبات وجزرة مبشورة الكميات مفتوحة حسب الرغبة ونقلبهم كويس


 
هنا طبعا انا معنديش ورقة لحمة بس جبت ورق زبدة وفوقة ورقة فويل انا هنا هاعملها زى الوجبات كل واحد وجبة منفردة وطبعا ممكن كلة فى واحدة كبيرة بس حسب الرغبة


 
هنا نحط نقطة زيت صغيرة ونحط كمية من خليط البطاطس حسب الرغبة وفوقها شريحة من اللحم مع جزء من الصوص اللى بيطلع من اللحم بالشكل دة مع رشة ماء علشان البطاطس تستوى


 
ونقفل كويس الفويل وبعدين ورق الزبدة بالشكل دة وندخلها فرن حار بتقعد حوالى ساعة او ساعة الاربع حسب الكميات


 
ودة شكلها بعد ما استوت وبالف هنا رائعة جدا جدا


 المصدر

سكونز الجبنة الشيدر بالصور و الخطوات

ة نوع من المعجنات او البسكويتات المالحة بالجبنة الشيدر سهل جدا جدا وبسيط وهايعجبكم قوى ان شاء الله
 دى مقاديرة سهلة جدا وبسيطة طبعا ممكن تضاعفو المقدار براحتكم
المقادير
****
كوب دقيق + معلقة صغيرة باكينج بودر ++ بيضة +نصف معلقة صغيرة ملح ولو الجبنة ملحها عالى نقلل الملح +2 معلقة كبيرة زبدة مبردة +ربع كوب حليب +2معلقة شبت مفروم +نصف كوب جبنة شيدر مبشورة +معلقة دقيق كمان


 
نخلط الدقيق والبودر والملح وننركهم بالزبدة المبردة بيكون شكلة زى الرمل كدة انا عملتة فى محضرة الطعام


 
هنا نخلط الجبنة مع الشبت مع معلقة الدقيق المتبقية


 
ثم نضعهم على الخليط السابق ونخلط



وهنا نضع البيضة مع الحليب وممكن رشة فلفل اسمر ونقلبهم كويس ونعجن بيهم لو حسينا انها ملزقة شوية نرش رشة دقيق




ودة شكلها




ناخدها ونفردها الى دائرة على رخامة مرشوشة دقيق




الى هذا الشكل




نقطعها الى مثلثات وانا حسيت انها كبيرة فقطعت كل مثلث الى 2


بالشكل دة




نرصهم على صينة مدهونة زبدة وندهن الوجة ببياض البيض والحليب مع الفلفل الاسمر وندخلها فرن حار مباشرة مش بنسيبها تخمر لانها ببودر




ودة شكلها بعد ما استوت تحفة جدا جدا


 المصدر