العنوان 1

ضع نص هنا

العنوان 2

ضع نص هنا

العنوان 3

ضع نص هنا

العنوان 4

ضع نص هنا

العنوان 5

ضع نص هنا

تابعينا عبر الايميل

Related Posts Plugin for WordPress, Blogger...

الأربعاء، 17 يوليو، 2013

طريقه عمل الخشاف التمام من مطبخ ديانا بالصور و الخطوات

الخشاف دة حبيب الملايين..هو سهل بس قلت بردو اوريكو الخشاف الي على اصوله ..تعالو معايا
دي الحاجات الي بحطها في الخشاف
بلح
مشمش
تين
قراصيا
زبيب
وهحتاج حتة من لفة قمر الدين


 
دة الطبق الي هعمل فيه الخشاف باخد حتة قمر الدين اقطعها كدا واحط عليها كوباية مية مغليه عشان تدوب
ودي هتديني قوام وطعم روعة لميه الخشاف


 
البلح بتاعي غسلتة وهقسم البلحة 2 واطلع النواية


 
واحطه فوق قمر الدين والمية المغليه عادي انا هكمل باقي المية المغليه على كل الخشاف بس لما اقطعه


 
بقطع التين والمشمش لان المية هتخليهم ينفشو وعشان متبقاش المعلقة كبيرة اوي
كدا حطيت كل المكونات اهي


 
بضيف تلات معالق سكر كبار
ممكن تقللو السكر تزودو حسب راحتكم انا بحب الخشاف مسكر


 
بغطيه بالمية المغليه


 
بقلبه كويس شوفو قمر الدين خلى لونه ازاي
بسيبه بقى يبرد خالص قبل ما ادخله التلاجة عشان المكونات تاخد راحتها في النقع وتطرى وتبقى جميلة


 
بدخله التلاجة واسيبه لحد ما يسقع
اتفضلوا بالهنا


 من مطبخ

الأحد، 14 يوليو، 2013

صنيه رقااااااااااق جامده جدا من مطبخ زينب زياد

طريقه عمل صنيه رقااااااااااق جامده جدا من مطبخ زينب زياد
بالصور و الخطوات


ده الرقاق بتاعى انا عاملاه فى البيت ودى طريقته فى اللينك ده اضغطي هنا

هنا عصجت اللحمه عادى جدا بصلتين قليتهم فى شوية زيت وبعدين حطيت اللحمه عليهم وحطيت الملح والفلفل
الملح يتحط فى الاول علشان اللحمه تكلكع معاكى متبقاش ناعمه وحطيت شوية زبيب وقطعت كبد وقوانص البطه كانم مستويين طبعا

 
هنا حضرت صنيه هبل فيها الرقاق وصنيه اللى هعمله فيها
ومعلقتين سمنه وفرشه والعصاج بتاعى


 
طبعا حله الشوربة بتغلى ع البوتوجاز وانا باخد منها وانزل على الرقاق لحد مايطرى اخده انقله فى الصنيه بتاعتى التانيه
المفروض هعمل 3 رقاقات فوق و3 تحت وبينهم لحمه


 
دى اول طبقه رقاق وبحط عليها السمنه بالفرشه


 
ودى التانيه وكذلك حطيت الثالثه وكل مرة بدهن سمنه


 
وبعدين العصاج فى النص

 
والرقاق فوق العصاج عملت 3 فوق زى ماقلت و3 تحت


 
وقبل مادخلها الفرن بقطعها مربعات بالشكل ده واخد بالى وانا بقطع علشان متتهراش منك وبدخلها الفرن عشر دقايق بس
واطلعها تانى علشان احطلها كوبايه اللبن وبيضه ومعاهم فلفل اسود


 
هنا طلعتها بعد عشر دقايق وحطيتها كوبايه لبن ببيضه وشوية فلفل اسمر وارجعها الفرن تانى


 
وده شكلها بعد ما تحمرت فى الفرن


 
زوووووووووووووووم 

 
الرقاق متماسك جدا والقطعه شكلها حلو 


 
زوووووووووووووووووم على الرقاق



 الوصفه من
 

طريقة عمل الرقاق فى البيت باسهل الطرق من مطبخ زينب زياد


المقادير :-
لعمل 8 راقات قطر 30 سم
2 مج دقيق من اللى فى الصورة
نصف ملعقه ملح صغيرة
1 مج ماء ( مثل الصورة ) انا استخدمت 3/4 الكوب فقط
المفروض بتضعى الماء واحده واحده لحد ماتتعجن كويس معاكى ومتلزقش



 عجنتهم كويس لحد ما لمت فى ايدى

 
قطعتها 8 قطع وسبتها ترتاح على الاقل نصف ساعه
ورشيها دقيق كتير وغطيها


 
رشيت الدقيق على الرخامه وهبدأ افردها لحد ماتقولى كفايه بقا 


 
بالشكل ده\


 
بسخن المقلاه الكبيرة بتاعتى كويس جدا وبعدين احط عليها الرقاقه واخدى بالى علشان هقلبها فى ثوانى مش بتاخد وقت


 
وبعد شوية قلبتها\


 
لحد مابقت بالشكل ده
وهفضل اكرر العمليه دى لحد ماخلص
ملحوظه لو المقلايه بتاعتك لونها غير شوية امسحيها بمنديل او اغسليها بمايه وارجعى سخنيها تانى علشان يكون اللون حلو ونضيف


 
خلصت الكميه بتاعتى كلها بنفس الطريقة وسبتها بعيد عن بعضها علشان انا عاوزاه ينشف خالص
لو عاوزاه طرى بعد ما تخبزى حطيها فى فوطه او قماشه ولفيه كويس ويكون فوق بعض هتلاقيه طرى خالص


 
ده شكل الرقاق بتاعى الصبح بعد مانشف


 الوصفه من
 

الأحد، 7 يوليو، 2013

طريقه عمل برياني الخضار بالصور و الخطوات


المقادير
كوب ونص رز بسمتي
والخضار عبارة عن 2 بطاطس مكعبات
2 كوسا مكعبات
2 بصلة صغيرة مقطعة مكعبات صغيرة
وبسلة وفاصوليا وجزر المتوفر عندك
كوب زبادي
وبهارات الكبسة ولومي مجفف
 
 
بحط زيت في الحلة الي هعمل فيها البرياني وانزل بكل الخضار واحط عود قرفه وعودين قرنفل والتوابل بتاعتي الكركم والكاري وملح وبهارات الكبسة وافضل اشوح فيهم لحد ما يدبلو خالص



 ازود كوب ماء عشان الخضار يستوي واسيبه لحد ما يستوي ولا زم يكون الخضار سايل شوية يعني قوامه زي المتسبك عشان لسة هيكمل سوا الرز
اول ما احس انه بدأ يتسبك انزل بعلبه الزبادي واقلبها كويس وبعد خمس دقايق احط الرز فوقيه







بغسل الرز البسمتي وانقعه ساعة
 




بغلي مية واسلق فيها الرز ..بعمله مسلوق واصفيه في مصفة زي المكرونة وبخليه تلات اربع سوا يكون لسة بيقرش
 




بملح الرز وهو في المصفى واحطه فوق خليط الخضار الي استوى عندي وبيكون فيه لسة سائل عشان يكمل سوا الرز واقفل عليه الغطا واسيبه نص ساعة على نار هادية جدااااااااااا
 




لما بغرفة بقلب الحلة وبيبان عندي الرز لونين الي قريب من الخضار اصفر والي فوق ابيض
انا هنا غرفته بطريقة تانية بالمعلقة اخدت الرز الابيض حطيته في الطبق الغويط دة وبعدين الاصفر فوقيه وبعدين الخضار فوق الوش..وبالهنا والشفا
 

 الوصفه من
 

شوربة بحريات بالصور و الخطوات

المقادير:
كيس بحريات مجمد .
بصلة مفرومة .
حبات مستكة .
كريمة .
ملعقتين دقيق .



 
نضع الزيت على النار و عليه المستكة لتسيح .
نضع البصل و نشوحه حتى يذبل .
نضع البحريات بعد غسلها و نقلبه



نضع الماء و نغلي الشوربة لمدة 10 دقائق و هي لا تأخذ وقت .
في قدر آخر نقلب الدقيق في قليل زيت أو زبدة و نضع عليهم الكريمة و نقلب و نتركهم يغلوا .
نضع الكريمة بالدقيق على الشوربة و نقلب حتى تغلي غلوة .
تقدم بالهناء .



 المصدر