العنوان 1

ضع نص هنا

العنوان 2

ضع نص هنا

العنوان 3

ضع نص هنا

العنوان 4

ضع نص هنا

العنوان 5

ضع نص هنا

تابعينا عبر الايميل

Related Posts Plugin for WordPress, Blogger...

الأحد، 27 أكتوبر، 2013

طريقه عمل البيتزا الايطالية من ايه عوض بالصور و الخطوات

طريقه عمل البيتزا الايطالية من ايه عوض بالصور و الخطوات
احلى عجينة بيتزا جربتها واعتمدتها خلاص مش بعمل غيرها وبنوع فى الحشوات بس مره عملت الحشوة دى كده بدماغى حبيتها قوى جربوها ومش هتجيبو بيتزا تانى من بره على ضمانتى الا الكسالى بقى :))
البيتزا دى اولا بطريقة شيف لطيفة والمقادير مضبوطة ودقيقة جدا ربنا يكرمها
لعمل 2 بيتزا حجم وسط المقادير
2 كوب دقيق منخول
ملعقة متوسطة سكر
ملعقة كبيرة ممسوحة خميره
رشة ملح
كوب ماء دافى للعجن


فى بولة كبيرة هضيف زيت الزيتون وملعقتين كبار من الدقيق وملقة السكر ورشة الملح وملعقة كبيرة ممسوحة خميره فورية مع نصف كوب ماء دافي


 هقلبهم بالويسك وهسيبهم يرتاحو شويه
والحركة دى بعملها مع كل المعجنات اضيف الخميره والسكر والملح مع شويه مياه واسيبهم يخمرو بعدين اضيف الدقيق واعجن



  هنا بعد حوالى نصايه فى اى عجينة بستنى لما الخليط ده يبقى قوامه كريمى واضيف عالمواد الجافة واعجن


 هنا ضفته وهبتدى اعجن


اعجنى لحد ما تكون العجبنة ناعمه وتقدرى تشكليها


قسمتها اتنين وهنا تقريبا انا كنت مضاعفة المقادير متخافوش من الشكل

  
وحطيت كل نصف فى بولة وغطيتها وهسيبها تخمر

  
عشان تحصلى على افضل نتيجة للتخمير دفى الفرن عشر دقائق واطفيه ودخل عجينتك


للحشو انا سلقت صدور دجاج بهيل ولورى وقرنفل وبصل طبعا ورشة ملح


  وقطعت فلفل الوان وبصل


 لحشو الدجاج انا هنزل ملعقتين كبار زبدة وبراحتك بزيت مفيش مشكلة
هنزا شرائح البصل لما بس تتكرمل وتذبل عشان تبقى مسكرة
وانزل شرائح الدجاج مع الفلفل والطماطم على طول واقلب عشان الكل يشرب من الزبدة
اضيف رشة قرفة وبهارات مشكلة وزعتر



للصلصة اعتمدى الصلصة دى فى اى بيتزا حلوة قوى وسهلة
ثوم شرااااائح مش مفروم مش هتحسى بيه صدقينى وطعم جدا فى ملعقتين كبااار زبده
بس 60 ثانيه ريحته تطله هنزل عصير الطماطم والصلصة وملح وزعترر او اوريجانو ونعناع



هنا شكل الصلصة بعد ما اتسبكت وضفت المنكهات


 بفرد العجين وعليه الصلصه بعدين جبنه بعدين الحشو بعدين جبنه وعلى الحروف هرش زيت زيتون


 هنا شكل الحشو


 هدخلها فرن سخن على 200 فى النصف


 يارب تعجبكم وياريت تجربوها وتعرفونى



وده شكلها من تحت ولو عاوزاها تقرمش من تحت
رشى رشه سميد قبل ما تفرديها


 الوصفه من In Love With Cooking By Aiah Awad

ديك رومى مشوى من مطبخ ايه عوض

ديك رومى مشوى من مطبخ ايه عوض
الاول غسلته بملح وليمون وخل ودقيق لحد ما نظف تماما
تبلته بملح وفلفل وبهارات مشكله
كركم وكارى وقرفة وزعتر وبابريكا ونعناع ولومى وهيل مطحون وزنجبيل مطحون وحب وطبعا بصل وسبته من بليل فى التتبيله



وقبل السوا حشيته بحشو الحمام اللى هوا رز بالكبد والقوانص وهنزله قريب بالتفصيل وحصيته فى صينيه الفرن وعليه لورى وحب هيل ولومى وقرفة وزنجبيل وجزر



هنا عشان تشوفو قد ايه مستوى والخلطة كام استوت لاننا سونها ثلاث ارباع السوا الاول قبل الحشو
دهنته كله من بره زبده قبل الشوى

 حطيت شويه شوربه فى ارض الصينيه وغطيته كله بفويل
يارب يعجبكم

الوصفه من
In Love With Cooking By Aiah Awad

بسكويت الشكولاتة و الفانيلا اللذيذ بالصور و الخطوات

بسكويت الشكولاتة و الفانيلا اللذيذ  بالصور و الخطوات
مقادير البسكويت
كوب سكر ناعم
2 كوب دقيق كم نفس مقدار كوب السكر
فنجان كريمة خفق
1 بيضه
150 جرام زبده حوالي كوب
بشر ليمون حسب الرغبه
م ص ملح
نص معلقم بكينج بودر
معلقه فانيلا


نقوم بخفق السكر و الزبدة بلمضرب الكهربائي


  حتي يصبج المزيح هش


  ضيفي البيضة و الفانيلا


ثم نضيف الكريمه و بشر الليمون
 
  
ضيفي الدقيق المنخول جيداً و الملح و البكينج بودر


 قلبي المزيج بالعجان حتي يصبح متماسك


اقمصي العجين الي نصفين و ضيفي للنصف الاخر بودرة الكاكاو
وامزجي الشكولا مع العجين



في كيس حفظ قومي بتغليف العجين



اتركيهم في البراد 30 دقيقه حتي ترتاح


  جهزي قوالب تشكيل البسكويت


افردي العجين بالنشابه بين ورقتين خبز او كيس الحفظ الخفيف


قومي بتقطيع البسكوت بالقوالب



  انزعي العجين المتبقي من الحروف و انقلي البسكوت الي صينيه الخبز بواسطحة حرف سكين رفيع
و قومي بعجن بواقي العجين و تكرار عمليه تشكيل البسكوت حتي تنتهي مقدار العجينه
رصي البسكويت في صواني الخبز و اتركي يرتاح 10 دقائق


  ادخلي الفن علي درجه حرارة متوسطه 10 دقائق او حتي تصبح البسكوتات ذهبيه

 خرجي من الفرن حتي بيرد
ملحوظه " اذا كان طري شويه هذا طبيعي اتركي 5 دقائق حتي يجف



و ستحصلين على بسكوتات لذيذة سيحبها الاطفال و الكبار
احفظيه في علب محكمة الغلق لحين الاستعمال



 و يقدم مع كوب الشاي و القهوة و الحليب
الف هنا

الوصفه من
منار في المطبخ

طاجن الكليماري بالجمبري علي طريقه منار

طاجن الكليماري بالجمبري
المقادير
فلفل الوان مقطع شرائح .. 1 حبة بطاطس مقطعة مكعبات .. جزرة ك مبشورة .. 3 فص ثوم .. بصله ك شرائح .. 2 حبة طماطم منزوعه القشرة مقطعة صغير .. 2 معلقة ك صلصة .. جمبري + كليماري
زيت زيتون .. توابل "ملح .. فلفل . ثوم بودرة .. سماق .. كاري ..كمون كركم .. زعتر .. خل عنب



هنشوح فص ثوم كبير مع الزبده


 هنضيف الكليماري حتي تنزل ميتة


  ثم نضيف له الجمبري


لعمل الصلصة
هنشوح بصلة و فص ثوم و نضيف الصلصة و التوابل وخل العنب



  دة شكل الصلصة بعد التسبيك

  
في قدر اخر قومي بتشويح البصل و الثوم مع القليل من زيت الزيتون

  
ثم ضيفي اليهم جميع الخضراوات و قلبي حتي تنضج


 ثم ضيفي الكليماري و الجمبري


  ثم ضيفي الصلصة


 و قلبي جيداً حتي تتمتزج كل المكونات
و ضيفي فنجان ماء دافئ زز
اتركيهم عل نار هادئة 5 دقائق



  ثم انقلية في بايركس الي الفرن علي درجة حرارة منخفضة لمدة 15 دقيقة


 و دة شكلة بعد خروجه من الفرن


و يقدم مع ارز السمك ..
بالف هنا



الوصفه من
منار في المطبخ