تابعينا عبر الايميل

Related Posts Plugin for WordPress, Blogger...

السبت، 22 فبراير، 2014

كب كيك مالح بالصور و الخطوات

كب كيك مالح خرااااااافة بجد و ينفع فطار او عشاء او حتى للولاد فى المدرسة
بسم الله نبدأ المقادير:
اتنين بيضة حجم كبير و رشة فلفل و رشة ملح صغيرين
نص كوب لبن و ربع كوب زيت
كوب و ربع دقيق و م بيكنج بودر و نص م بيكج صودا
اربع صوابع سوسيس مقطعين و نص فلفلاية خضرا و تلت كوب جبن تركى مفرووم
الطريقة :
فى الفود بروسيسور او بمضرب البيض او فى الخلاط هنحط اول حاجة البيض يضرب كويس مع باقى السوائل و الملح و الفلفل 




و بعد كدة ضيفى باقى المكونات الفلفل و السوسيس و تلات اربع الجبنة ملحوظة انا بحب اشوح السوسيس لوحده الاول زيادة تأكيد انه استوى و هتضربى المكونات دى لغاية ما افلفل و السوسيس يبقوا قطع صغيرة جدا 



و متنسوش شوية زيتون صغيرين و بعد كدة هنضيف الدقيق و البيكنج بودر و البيكنج صودا و نقلب تقليبة صغيرة و طبعا الفرن احنا مشغلينه من اول ما بدأنا هندهن القالب و نصب بالتساوى (المقدار دة يعمل 12 وحدة) 




و نرش فوق كل وحدة رشة صغيرة من الجبنة و ندخلها فرن حرارته 180لمدة ساعة الا ربع 



و بالف هنا






الوصفه من 
شطرة و لهلوبة

0 التعليقات :

إرسال تعليق