تابعينا عبر الايميل

Related Posts Plugin for WordPress, Blogger...

الأحد، 2 فبراير، 2014

الديك الرومي مع الارز البسمتي من الشيف داليا السواح

افضل الطرق لسوا الرومي في الفرن .... المقادير : رومي وزن ٧ كيلو صافي - ٢ ملعقه خل عنب احمر - ٥ملاعق كبيره ملح - ٣ ملاعق كبيره فلفل - ٣ فصوص قرنفل - ٢ ملعقه كبيره مسترده - ٢ ملعقه كبيره عسل نحل - ملعقه صغيره جنزبيل - ملعقه صغيره كاري - ٢ كوب زبادي - ٢ طماطم مبشوره - ورق لورا - ٤ فص ثوم - بصله كبيره مبشوره او بصلتين وسط - ملعقه كبيره زعتر ..... الطريقه : تخلط المكونات كلها و يدعك بيها الرمي جيدا ثم نجهز صينيه نضع فيها جزر حلقات و بصل حلقات و طماطم قطع و نضع عليها الرومي و نغطيه جيدا و نضعه في الثلاجة يوم كااااااامل





 
بعد يفتح الفرن علي درجه حراره ٢٢٠ و يوضع الرومي و هو مغلف جيدا و كل ساعه نراقب مستوي الماء في الصينيه اذا قل نزود حجم الماء و نغطيه مره اخري جيدا و بعد التأكد من الانتهاء من السوا يكشف الفويل و يترك للتحمير .... ملحوظة كل كيلو رومي بياخد في الفرن ساعه الا ربع سوا
طريقه الارز : اولا نوع الارز البسمتي ده أرز بسمتي اصفر مش البيضه سايب بجيبه من عند العطار بقوله عاوزه الارز بتاع حضرموت الكيلو ب١٨ جنيه انا شخصيا بجيبه من عطار مشهور في الدقي اسمه يحي في شارع الدقي و بعدين اغسله كويس و احطه في الحله و و أصفي الصوص بتاع الرومي عليه و أحط عليه ملح و كركم و كاري و بودره زعفران و عود قرفه و ليمون ناشف و قرن فلفل حامي و رشه حبهان خفيفه و ملعقه صغيره كزبره ناشفه و جنزبيل
 




و ازود الارز ميه لغايه ما اغطيه بمقدار عقله صباع و نصف و أغطي الحله و منساش أحط الفويل علي اليد و مقبض الحله عشان متتحرقش و بعدين ادخله الفرن هلي درجه حراره ٢٠٠ لمده سااااااعه كامله





علي ارضيه الفرن و متقلقيش الارز مش حيتحرق بيطلع مفلفل و يجنن

و بالهنا و الشفا

الوصفه من الشيف داليا السواح
صفحتها علي الفيس مطبخ دوللي-Dalia elsawah 
 

0 التعليقات :

إرسال تعليق