تابعينا عبر الايميل

Related Posts Plugin for WordPress, Blogger...

الأحد، 2 فبراير، 2014

الكنتاكي و الرز الريزو من داليا السواح

من الشيف داليا السواح وصفتها في برنامج ساعه مع شريف في مسابقه فيري للطبخ :
لفراخ الكنتاكي المقادير : فرخه بيضاء مقطعه ١٢ قطعه خلي الفرارجي يقطعهالك – نصف كيلو دقيق نضع عليه المكونات الاتيه : ملعقه كبيره ملح – ملعقه صغيره فلفل – ملعقه صغيره بابريكا – ملعقه كبيره نشا – ملعقه صغيره جنزبيل – ملعقه كبيره بصل بودره – ملعقه صغيره ثوم بودره – ١ بيضه – كيس مرقه دجاج و نصف لتر ماء ….. الطريقه نخلط الدقيق مع المكونات دي و معاهم الماء لغايه ما نعمل سائل ثقيل شبه الطحينه و بعد ما نكون غسلنا الفراخ كويس نحطها في الخليط ده لمده مش اقل من ساعه و بعد كده نحط ٢ لتر زيت في حله الضغط و نخليهم يسخن كويس و أكون مجهزه نصف كيلو دقيق خالي من اي إضافات أخد الفراخ بالخليط الي عليها و احطها في الدقيق العادي و اسقط في الحله علي طول مركنهومش علي جنب و بعدها أقفل حله الضغط و محطش صمام الأمان عشان البخار يبقي بيطلع من مكان خرم صمام الأمان عشان الفراخ تبقي كرسبي و اسيبها علي النار العاليه لمده ربع ساعه مفتحش عليها الحله و بعد الربع ساعه حتلاقوها طلعت بالشكل ده ..،، ملحوظة مهمه الفراخ تجيبيها بيضا و صغيره و مقطعه ١٢ قطعه عشان بتتحط في الزيت و هي نايه عشان تستوي كويس و بالهنا و الشفا
طريقه الريزو: ٢ كوب ارز – بصله وسط مبشوره /- ٤ ملعقه كبيره كاتشب – ٢ ملعقه هوت صوص – ٤ فص ثوم صحيح ….. الطريقه تشوح البصله في زيت و نضع عليها الارز ثم الكاتشب و الملح و ألهوت صوص ثم نضع شوربه بها مرقه دجاج نغطي بها الرز حتي يتشرب توطئ عليه و بعدين تحطي فصوص الثوم صحيحه فوق الوش متفرمهاش عشان احنا عاوزين ناخد ريحه الثوم و قبل الغرف بتشيلي الفصوص و بتكوني محمره أصابع الدجاج بطريقتنا و تقطيعها. قطع صغيره توضع علي الارز بعد غرفه. و عليها باربكيو صوص
هم التكات لأفضل نتائج الكنتاكي و الارز الريزو: الفراخ لازم تكون بيضا مش حمرا او بلدي ووزنها ميزدش عن كيلو و نصف ٢: نغسلها و بعدها انقعيها في ميه و ملح لمده ١٠ دقايق عشان ميبقاش فيها دم في عمليه السوا. ٣ : الثوم كميته تبقي نص البصل عشان ريحته متبقاش باينه في الخلطه و الفراخ تقلب سمك . ٤ : الدقيق الي حنستعمله في الاخر عشان نحط فيه الفراخ ألي سبناها في الخلطه علي الأقل ساعه و يا سلام لو تبيتيها في خلطه عجينه الدقيق في الثلاجة بتدي طعم تحفه . المهم الدقيق الساده الي بنستعمله في المرحلة الاخيره حنحط عليها مكعب مرقه دجاج مفروك و كيس سبايسي الي هي العلبه الزرقا الي مكتوب عليها طباخ في العلبه عشان الناس الي بأحب نأكل جلد الفراخ يبقي طعمه حلو و مبهر و اهمممممممم أمه عشان شكل الكنتاكي ركزوااااااا لما تأخذي الفراخ من خليط العجين الي أمحا عام لينه و تحطيه في الدقيق التاني متتكيش علي الفراخ و تضغطي عليها ابدااااا حطي الدقيق في سلطانيه و حطي قطعه واحده من الفراخ بس و رشيها من جميع الجوانب بالدقيق ترشي و متضغطيش عشان تطلع كريسبي و تحطي في الزيت علي طول و اوعي تحطي الفراخ في الدقيق و تسيبيها و تقولي اجهزها عقبال ما اطلع الي قبلها من الزيت بنغطي بالدقيق و ننزل في الزيت علي طول -… النار متبقي متوسطه مش عاليه و لا واطيه و لازم الحله البريستو عشان تسوي الفراخ و متنسيش تشيلي صمام الأمان لأنك لو قفلتيه الفراخ حتتطري و تتبل جوا من البخار بالنسبه الريزو لازم نسقيه بماء ساخن مذاب فيه مكعب مرقه دجاج مش شوربه فراخ و الثوم يتحط صحيح فوق الوش و منفرمهوش عشان
ناخد ريحته بس و قبل ما نعرف الطبق شيلي الثوم
صوره من حلقه شريف :
ممكن تشوفوا لقطتات من طريقه عملها علي صفحتها مطبخ دوللي-Dalia elsawah
ملحوظه من الشيف داليا :
حبايبي الي معندوش حله ضغط ياخد الفراخ سلقه الاول و بعدين بحطها في الخلطه بس خلينا متفقين ان دي حيبقي طعمها غير طعم المطاعم فممكن الي معندوش يعمل صوابع الاستربس الي هي صوابع البانيه الي بناخد منها و نحط علي الارز بعد ما تقطعها‎
 

0 التعليقات :

إرسال تعليق