تابعينا عبر الايميل

Related Posts Plugin for WordPress, Blogger...

الأحد، 16 مارس، 2014

طريقه عمل دجاج كنتاكي من رشا موسي

 طريقه عمل دجاج كنتاكي من رشا موسي

اولا هقول المكونات على اساس فراخة واحدة نجيب فراخة بيضة وزنها متوسط من كيلو لكيلو ونصف وتقطع على 8 قطع ونعمل فيها فتحات بالسكينة ونغسلها كويس وننقعها لمدة ساعة فى ماء و ملح وخل وعصير ليمون وشوية دقيق بشكل اللى هنشوفه مع بعض عشان تنزل كل الدم اللى فيها وبعد ساعة نشطف الفراخ كويس وتتصف فى مصفة ونعمل الخلطة



مكونات الخلطة
ربع كيلو دقيق
معلقة كبيرة من خلطة الكنتاكى الحارة
معلقة كبيرة من خلطة الكنتاكى الباردة ( لانهم مختلفين جدا فى الطعم والتست بتاعها حتى فى لونهم )
انا كمان بحب اضيف ليها معلقة صغيرة من البصل البودر والتوم البودر / جنزبيل / معلقة كبيرة ببريكا / معلقة بهار فراخ /ربع معلقة كركم /ملح / فلفل



نخلط كل المكونات مع بعض


ثم نضيف كوب ماء ونقلب كل المكونات مع بعض لحد ما يكون عندنا خليط شبه الخليط الزالابية تقريبا



وهنا الفراخ بعد ما اتصفت من الماء


ننقع الفراخ فى الخلطة من بالليل فى التلاجة



وهنا شكل الفراخ قبل القلى


هنا بقى ربع كيلو دقيق + مكعب ماجى + معلقة بكنج بودر صغيرة


نخلطهم مع بعض كويس



حلة الضغط فيها لتر زيت او اكتر على حسب حجم الحلة


هنا بقى خطوة مهمة جدا وشكرا داليا السواح عشان ختها منه التكة ديه بناخد قطعة الفراخ من التتبيلة وفى الدقيق ونلفها بالدقيق من غير ما نضغط عليها خالص


بشكل ده


هنا الكمية على حسب حجم الحلة وبلاش نحط الفراخ على بعض


نقفل الحلة علي الفراخ ونرفع الصفارة عشان لو الصفارة موجودة مش هنعرف نفتح الحلة وكمان الفراخ هتكون طرية جدا من البخار لمدة 10 دقايق على نار متوسطة


وده شكل الفراخ بعد ما فتحت الحلة وااااااااااااااااااااااو والريحة جنان والقرمشة كمان روعة


احلى كنتاكى واااااااااااااااو ولا احلى من كده


بالهنا و الشفا من



0 التعليقات :

إرسال تعليق