تابعينا عبر الايميل

Related Posts Plugin for WordPress, Blogger...

الجمعة، 7 مارس، 2014

فتة شاورما الفراخ مع توميه بالصور و الخطوات

 فتة شاورما الفراخ مع توميه و كوكتيل
الطريقه و الخطوات فى الصور الـ بعد كده 


نص كيلو صدور بانيه
مغسوله كويس جدااً و متصفيه

بصله كبيره و متقطعه جوانح

الـــتـوابــل
**********
من اليمين
معلقه كبيره ملح
معلقة كبيرة كسبرة ناشفه
معلقه كبيرة جنزبيل فريش
نص معلقه ص بشر جوزة الطيب
معلقه كبيرة سكر
معلقه كبيرة شطه نار
معلقه صغيره حبهان مطحون ( هيل )
معلقه كبيره قرفه + قرنفل مطحونين
معلقه كبيره فلفل اسود
معلقه بابريكا



هنحتاج نص فلفله اصفر و نص احمر
فلفله رومى أخضر هنستخدمها كلها
عصير ليمونه
عصير برتقاله + بشر البرتقاله 
هنا عصير البرتقال و البشر 
علشان هيعزز النكهه و هيقوى الطعم 
فنجان صغير خل ابيض



حطيت البصل و عليه التوابل و فركتهم فى بعض
علشان البصل ينزل ميته و الفراخ تتشربه مع باقى السوائل
و اضفت عصير الليمونه و البرتقال و البشر 
قلبتهم كويس قبل ما اضيف الفراخ



البشر واضح
وقلبتهم و غطيت الطبق و دخل التلاجه
3 ساعات اقل شىء 
و يا سلام لو الفراخ باتت ليله فى الخلطه 
دى تبقى وهميه



نقطع الفلفل و نتركه على جنب 
علشان لما نحتاجه نلاقيه جاهز



أرز الفتة المبهر
ولا أروع من كده فى الطعم 
يالا بينا نروح نشوفه اتعمل أزاااااااى



الـــبــهــارات
 ***********
معلقه كبيره كركم
معلقه كبيرة فلفل اسود
معلقه صغيرة شطه نــااااااار
معلقه كبيرة كــارى بودر
3 معلقه صغيرة ملح
الكميه دى لمقدار نص كيلو أرز بسمتى
نص كيلو أرز = 2 و نص كوب أرز



فى الحله المناسبه
بصله متوسطه متقطعه ناعم 
و كميه من زيت نباتى بفضل عباد الشمس 
و نشوح لحد ما البصل يدبل خالص 



و أضفت التوابل السابقه و قلبتها على نار هاديه 
علشان ريحتها تطلع 



و بعد كده أضفت الارز 
و يتشوح لحد ما يسخن كله و يشرب كل ريحة التوابل 



اضفت الماء المغلى على الأرز
2و نص كوب أرز = 5 كوب ماء ساخن
أرز ساخن + ماء مغلى = أرز مفلفل 
نظرية ماما ربنا يديها الصحه لاى نوع أرز



قطعت شوية فلفل اصفر و احمر و اضفتهم
اول ما الماء بدأ الغليان مع الارز
و هنكمل التسويه عادى جدااً
لما يتشرب الماء هنهدى عليه خالص و نحط شياطه
لمدة 10 دقايق و من غير تقليب
و بعد ما نطفى نترك الغطاء مغلق لمدة 5 دقايق علشان البخار ما يخرجش منه و يبقى مفلفل




أيه رأيكم مفلفل و الحبه بحبتها 
و مستوى تمااااام التمااام 



عـيـش الــفـتــة
هنقطعه كله مقاس واحد 
بالشكل ده 
ده عيش بلدى 
لانى معنديش عيش شامى ملقتش فى السوبر ماركت 



حطيت كوب زيت فى طاسه 
و نزلت العيش لما الزيت سخن 
علشان يتحمر



اول مايخرج من الزيت على مناديل مطبخ 
بتبله برشة ملح و فلفل اسود 
طعمه خـــطــــيــر 



نرجع للفراخ
بشيل كل البصل و التوابل ال على قطع الفراخ 
بالشكل ده 
استعداداً للتقطيع 


و تتقطع شرائح بالــعــرض 
و ده مهم جدااً علشان متكونش متفله 
يعنى التقطيع عكس النسيج الطولى للقطعه



  طاسه تيفال و فيها كميه كويسه من زيت عباد الشمس
ممكن اى نوع تفضليه 
لازم لازم لازم الطاسه بالزيت تسخن جدااااااااااااااً 
علشان نصدم الفراخ



نحط قطع الفراخ فى الطاسه 
بدون تقليب نهائيااً علشان متنزلش ميتها 
و تحتفظ بكل العصاره داخلها



عد 10 دقايق الفراخ هتدخل فى السوا
نضيف قطع البصل ال كانت الفراخ متبله بيه
بيبقى شارب طعم التوابل و العصير 
و نقلب لحد ما يستوى البصل و الفراخ تكمل تسويتها



قبل ما اطفى بــ 3 دقايق
اضفت الفلفل الالوان و قشرت طماطمايه و قطعتها جوانح
و اضفتها مع الفلفل 
و ظبط الطعم بالملح و الفلفل 
و أستغليت قشر الطماطم فى الجارنش النهائى 



و مع الفلفل و الطماطم نضيف
السائل التتبيل بالتوابل ال فيه
و على نار عاليه نتركها تغلى كلها مع بعض
و الطعم يتداخل
( السائل ) ده ريحته رووووووووعه




كده الشاورمة جاهزه 
نروح نحضر التوميه و الكوكتيل



الـــتــومـــيــة
 ************
معلقه كبيرة توم مهروس 
معلقتين خل 
برطمان مــايــونــيـز 
ملح و فلفل اسود
عصرة ليمون



نحط كل المقادير السابقه
فى الخلاط 
طبعااً الطعم انتى ال بتتحكمى فيه 
تزودى حاجه تنقصى حاجه 
كل واحدة و زوقها بالطعم 



توميه رووعه و قوامها هايل



المفروض نحط فلفل ابيض 
بس معنديش و انا بحب الفلفل الاسود أكتر 



نركب الطبق 
نحط فى سرفيس التقديم 
شوية عيش محمص و عليهم رشة توميه



و فوق العيش و التوميه 
طبقه من الأرز تغطى العيش تمامااً



و على الأرز نحط الشاورمة 
وعليها رشه من التومية





بالهنا و الشفا من
 Ghada London

0 التعليقات :

إرسال تعليق